சுயம்பிரபை -சுயம்பிரபை;அன்னது கூற - அவ்வாறான சொற்களைச்
சொல்ல;அனுமானும் -அனுமனும்;மன்னு புலன் வென்று வரு -
பொருந்திய ஐம்புலன்களையும் வெற்றி கொண்ட;மாதுஅவள் மலர்த்தாள் -
அந்தப் பெண்ணின் தாமரை மலர் போன்ற அடிகளை;சென்னியின்
வணங்கி-தலையால் வணங்கி;நினக்கு -உனக்கு;வானவர்கள் நனி
சேரும் -தேவர்கள் மிகுதியாகக் கூடி நிற்கும்;பொன்னுலகம் ஈகுவல் -
பொன்மயமான தேவருலகத்தை அளிப்பேன்;எனல் புகன்றான் -என்று
சொன்னான்.

     மேலுலக நெறியைக் காட்டுமாறு வேண்டிய சுயம்பிரபைக்கு, அவ்வாறே
செய்வதாக அனுமன் வாக்களித்தான் என்பது.  புலன்களை வென்று தவம்
செய்தவாறு அனுமன், அவள் திருவடியை வணங்கினான்.             66

இருளிலிருந்து விடுதலை பெறுவதற்கு உரியதைச் செய்யுமாறு
அனுமனை வானரர் வேண்டுதல்

     முழைத்தலை -(மற்றைய வானரவீரர் அனுமனை நோக்கி) இந்தப்
பிலத்துவாரத்தில்;இருட்கடலில் மூழ்கி -இருளாகிய கடலில் மூழ்கி;
முடிவேமை -இறக்க வேண்டிய எங்களை;உயிர் பிழைத்து உயிர்க்க -
இறவாமல் தப்பி வாழும்படி;அருள் செய்த -கருணை புரிந்த;பெரியோனை
-பெருமைக் குணமுடையவனே! செயல் ஆயவினை -இனிச் செய்யத்தக்க
செயலை;இழைத்தி -செய்வாய்;என்றனர் இரந்தார் -என்று பணிந்து
வேண்டினார்கள்;வழுத்த அரிய மாருதியும் -புகழ்ந்து கூறமுடியாத (மிக்க
நற்குணங்களையுடை) அனுமனும்;அன்னது வலிப்பான் -அவ்வாறே
செய்வதற்கு மனத்தினில் உறுதிகொண்டான்.

     இந்தப் பிலத்துள் சீதைஇல்லையென்பது தெளிவாக விளங்க, இனி
இங்கிருப்பதால் எவ்விதப் பயனுமில்லையாதலால் உடனே வெளியே
செல்வதற்குரிய செயலை நாடவேண்டுமென்று அனுமனை மற்றை வானரர்
வேண்டிக்கொள்ள,