வளம் கூறப் பெற்றது. குரும்பை: தெங்கு, பனை ஆகிய மரங்களின்
இளங்காய் குலிந்தம்: இக் குலிந்ந நாடு கேரள நாட்டின் வடக்கே
மேற்கடற்கரையையடுத்துள்ளதாகவும் பழைய ஐம்பத்தாறு நாடுகளுள்
ஒன்றெனவும்கூறுவர். 31 அருந்ததி மலை, மரகத மலைகளைக் கடந்து வேங்கட மலை சேர்தல் | 4625. | கொங்கணம் ஏழும் நீங்கி, குட
கடல் தரளக் குப்பைச்
சங்கு அணி பானல் நெய்தல் -
தண் புனல் தவிர ஏகி,
திங்களின் கொழுந்து சுற்றும் சிமய
நீள் கோட்டுத் தேவர்
அங்கைகள் கூப்ப, நின்ற
அருந்ததிக்கு அருகர் ஆனார். |
கொங்கணம் ஏழும் நீங்கி - (அந்த வானர வீரர்) கொங்கண நாட்டின்
ஏழு பிரிவுகளையும் கடந்து;குடகடல் -மேற்குக் கடலில் உண்டான;தரளக்
குப்பை -முத்துக் குவியல்கள்;சங்கு -சங்குகள்;அணிபானல் -அழகான
கருங்குவளை மலர்கள்;நெய்தல் -நெய்தற் பூக்கள்;தண்புனல் தவிர ஏகி -
ஆகியவை நிறைந்த குளிர்ந்த நீர்ப் பகுதிகளையுடைய நெய்தல் நிலத்தை
நீங்கிச் சென்று;திங்களின் கொழுந்து சுற்றும் -பிறைச் சந்திரன் சுற்றிச்
செல்லக்கூடிய;சிமய நீள் கோடு -சிகரங்களையுடைய உயரமான
கொடுமுடிகளைக் கொண்டதும்;தேவர் அங்கைகள் கூப்ப நின்ற -
தேவர்கள் தம் அழகிய கைகளைக் குவித்து வணங்கும்படி நிற்பதுமான;
அருந்ததிக்கு -அருந்ததி என்னும் மலைக்கு;அருகர் ஆனார் -அருகில்
போய்ச் சேர்ந்தார்கள். வானரவீரர்கள் ஏழு பிரிவுகளையுடைய கொங்கண தேசத்தையும்,
மேற்குத் திசையிலுள்ள நெய்தல் நிலங்களையும் தாண்டி மிக உயர்ந்துள்ள
அருந்ததிமலையைச் சேர்ந்தார்கள் என்பது. கொங்கணம்: மகாராட்டிர
மாநிலத்தைச் சேர்ந்த வடகன்னடம் என்னும் மாவட்டத்தது. தேவர்
அங்கைகள் கூப்ப நின்ற அருந்ததி: உயர்வு நவிற்சியணி. 32 | 4626. | அருந்ததிக்கு அருகு சென்று, ஆண்டு
அழகினுக்கு அழகு செய்தாள்
இருந்த திக்கு உணர்ந்திலாதார்
ஏகினார்; இடையர் மாதர்
பெருந் ததிக்கு அருந் தேன் மாறும்
மரகதப் பெருங் குன்று எய்தி,
இருந்து, அதின் தீர்ந்து சென்றார்,
வேங்கடத்து இறுத்த எல்லை -. |
அருந்ததிக்கு அருகு சென்று -(அவ் வானர வீரர்) அருந்ததி
மலைக்குப் பக்கத்திற் சென்று;ஆண்டு -அந்த இடத்தில்;அழகினுக்கு |