தேக்கு உறுசிகரக் குன்றம்- தேக்கு மரங்கள் மிகுதியாகப் பெற்ற
மகேந்திர மலை; திரிந்து - தன் இயல்பு வேறுபட்டு; மெய்ந் நெரிந்து சிந்த -உடல் சிதைந்து சிதற (அதனால்); விஞ்சை வேந்தர் - வித்தியாதரத்
தலைவர்கள்; தூக்குறு தோலர் - உயர்த்திப் பற்றிய கேடகமுடையவராய்;
வாளர் - வாளை ஏந்தியவராய்; துரிதத்தின் எழுந்த தோற்றம் - வேகமாக
எழுந்த காட்சி; தாக்குறு செருவில் - மோதிச் செய்கின்ற போரில்;
நேர்ந்தார்தாள்அற வீச - எதிர்த்த பகைவர்களின் முயற்சியற்றுப் போக
ஆயுதங்களைச்சுழற்ற; மேக்கு உறத் தாவி - வானிலே நன்றாகப் பாய்ந்து;
விசைத்தார்என்னப் பொலிந்தனர் - வேகம் பெற்றவர்களைப் போல
விளங்கினார்கள்.

     சலிப்பற்றதுமலை. அஃது இன்று சலித்தது. நிலை திரிந்தது. சுழன்றது;
அதனால் அங்குள்ள வித்தியாதரத் தலைவர்கள் ஏந்திய கேடகத்தோடும்
தாங்கிய வாளோடும் விண்ணில் சென்றனர். அக் காட்சி பகைவரைத் தாக்க
எழுந்தது போல் இருந்தது. பகைவரால் தாக்கப்பெற்று மேல் எழுந்த வீரர்
என்றும் பொருள் கொள்ளலாம்.                              (7)
 

     தாரகை சுடர்கள்மேகம் என்று இவை- நட்சத்திரம், சூரிய
சந்திரர்கள்; மேகம் என்னும் இப்பொருள்கள்; தவிர - (சார்ந்து வராமல்)
நீங்கிநிற்க; தாழ்ந்து - இறங்கி; பாரிடை அழுந்துகின்ற - பூமியின்கண்
கீழ்நோக்கிப் போகும்; படர்நெடும் பனிமாக் குன்றம் - விரிந்து நீண்ட
குளி்ர்ந்த மலை; கூர்உகிர் குவவுத் தோளான் - கூர்மையான நகங்களையும்
திரண்ட தோள்களையும் உடைய அனுமன்; கூம்புஎன - பாய்மரம்
போலிருக்க; ஆர்கலி அழுவத்து - கடலின் ஆழத்திலே; குமிழி பொங்க
-நீர்க்குமிழிகள் கொந்தளிக்க;