துன்புறுத்திய; கொழுநர் தம்பால் - கணவர் மாட்டு; வரம்பு இன்றி -
எல்லையில்லாமல்; வளர்ந்த காமம் - பெருகிய காமமாகிய; பயிர்க்கு நீர்
போல் - பயிரில் பாய்ச்சப்படும் தண்ணீரைப் போலவும்; அருத்திய - (தாம்)
விருப்பம் கொண்ட; அருநறவு - சிறந்த மதுவை; அருந்துவாரை -
உண்பவராகிய அரக்க மகளிரையும்.

     கருங்கயல் -பிரிவைக் காட்டுகிறது. வருத்துதல் - பரத்தையர்பால்
பிரிந்து வருத்துதல். அடிகள், கண்ணகி கருங்கயல், மாதவி செங்கண் என்றார்
(இந்திர - 237) கருங்கண் என்றது கண்ணகிக்குப் புணர்ச்சியின்மையால்
செங்கண் என்று உரைத்தது மாதவிக்குப் புணர்ச்சி விதும்பலால் என்று
அரும்பதவுரை பேசும். கயற்கண் அன்புப் பார்வையைக் காட்டும். வேல்வழி
சீற்றத்தைக் காட்டும். (கம்ப.983) இது விப்பிரலம்பம் (பிரிவு)        (107)

     கோது அறு -குற்றம்இல்லாத; குவளை நாட்டம் - (அரக்கியரின்)
குவளைப் பூப் போன்ற கரிய கண்கள்; கொழுநர் - தம் கணவரின்;
கண்வண்ணம் கொள்ள - கண்ணின் (சிவந்த) இயல்பைப் பெறவும்;
தூதுளங்கனியை - தூதுளம் பழத்தை; வென்று - (நிறத்தால்) வெற்றி
கொண்டு; துவர்த்த வாய் - செந்நிறம் பெற்றவாயில் வெண்மை தோன்ற -
வெண்மை நிறம் வெளிப்படவும்; (பூரண இன்பம் பெற்று) மாதரும் - அரக்கப்
பெண்களும்; மைந்தர்தாமும் - ஆடவர்களும்; ஒருவர் மேல் ஒருவர்
வைத்த - ஒருவர் பால் ஒருவர் கொண்டுள்ள; காதல்அம் கள் - காதலாகிய
மதுவை; உண்டார்போல் - உண்டவர்போல்; முறைமுறை - மாறி மாறி;
களிக்கின்றாரை - செருக்குக் கொள்பவராகிய காதலர்களையும்.

     கரியகண்கள்சிவத்தலும், சிவந்த வாய் விளர்த்தலும் புணர்ச்சியால்
உண்டாகும். களி - உள்ளச் செருக்கு - (திருக்கோவை