(அனுமன்)

    கருநிறத்தோர்பால் - கரிய நிறமுடையஅரக்கர்களின் நடுவில்;
வெளித்து - வெண்ணிறங் கொண்டு (வெளிப்படையாக); வைகுதல் அரிது
என -  வாழ்வது கடினம் என்று கருதி; அவர் உரு மேவி -
அவ்வரக்கர்களின் கரிய வடிவத்தை அடைந்து; பவளத்தின் கூடத்து -
பவளத்தாற் செய்யப்பட்ட கூடத்திலே; பசுந்தேன் துளிக்கும் - பசுமையான
தேன் சிதறுகின்ற; கற்பகப் பந்தரில் - கற்பகப் பந்தலின் அடியில்; பளிக்கு
வேதிகை - பளிங்காலமைந்த மேடையில்; ஒளித்து - மறைத்து; வாழ்கின்ற -
வாழும்படியான; தருமம் அன்னான்தனை - தருமம் போன்ற வீடணனை;
உற்றான் - அணுகிப் பார்த்தான்.

    அறத்தின் நிறம்வெண்மை என்பது இலக்கிய வழக்கு. இராமபிரானின்
பல்லின் வெண்மையைப் பேசவந்த அனுமன், ‘துறையறத்தின் வித்து முளைத்த
அங்குரல் கொல்’ என்று பேசினான் (கம்ப. 5280) “ ஆரருள சுரக்கும் நீதி
அறம் நிறம்கரிதோ” (கம்ப. 6492) எனப்பின் வருவதும் இங்கு கருதுக.  (135)

     உற்றுநின்று -(வீடணனை)அணுகியிருந்து; அவன் உணர்வை -
அந்த வீடணனின் உணர்ச்சியை; தன் உணர்வினால் -  தன்னுடைய
ஆய்வுணர்வால்; உணர்ந்தான் - அறிந்து கொண்டு; இவன் - இங்கே
உறங்கும் இவன்; குற்றம் இல்லது - குற்றங்கள் இல்லாத; ஓர் குணத்தினன் -
ஒப்பற்ற குணமுடையவன்; எனக் கொண்டான் - என்று தெரிந்து கொண்டு
(அதனால்); செற்றம் நீங்கிய - பகைமை விலகிய; மனத்தினன் -
உள்ளத்தைஉடைய