யான் இறப்பதால்அவர்க்குப் பழிவரின் இறப்பது தீது. பழிவராமையால்
இறப்பது நன்று என்று கருதுகிறாள். என் பழி - எனக்குரிய பழி. (18) | 5246. | ‘வருந்தல்இல் மானம், மா அனைய மாட்சியர்
பெருந் தவம்மடந்தையர் முன்பு, பேதையேன்,
“கருந் தனிமுகிலினைப் பிரிந்து, கள்வர் ஊர்
இருந்தவள்,இவள்” என, ஏச நிற்பெனோ ? |
வருந்தல்இல் -(உயிரைவிட) துன்பம் அடையாத; மானம் மா அனைய- மானமுடைமையின்கண் கவரிமானைப் போன்ற; மாட்சியர் -
சிறப்பைப்பெற்ற; பெருந்தவ மடந்தையர் முன்பு - பெருந்தவமுடைய
மகளிருக்குமுன்னர்; பேதையேன் - அறிவற்ற யான்; கருந்தனி முகிலினை
- கரியஒப்பற்ற மேகம் போல்பவனை; பிரிந்து - பிரிந்து; இவள் - இநத்ச்
சீதை;கள்வர் ஊர் இருந்தவள் - கள்வர்கள் வாழும் இலங்கையில்
வாழ்ந்தவள்;என - என்று; ஏச நிற்பெனோ - பழித்துப்பேச அதுகேட்டு
இருப்பேனோ ? சிறுமயிர்நீப்பினும் வாழாத கவரிமான்போல் சிறு பழிச் சொல்லும்
பொறாது பலர் இறப்பர். அவர்கள் முன் யான் பிறர் பழிக்க வாழேன்
என்றாள். மயிர்நீப்பின் வாழாக்கவரிமா.. என்று பேசியது தமிழ் மறை
(குறள்.969) (19) | 5247. | ‘அற்புதன், அரக்கர்தம் வருக்கம் ஆசு அற,
வில் பணிகொண்டு, அருஞ் சிறையின் மீட்ட நாள்,
“இல் புகத் தக்கலை” என்னில், யானுடைக்
கற்பினை, எப்பரிசு இழைத்துக் காட்டுகேன் ? |
அற்புதன் -அதிசயப்பண்புற்ற இராமபிரான்; அரக்கர் தம் வருக்கம்
- அரக்கர்களின் குலம்; ஆசு அற - பற்றுக்கோடு இல்லாமல்; வில் பணி
கொண்டு - வில்லை ஏவல் கொண்டு; அருஞ்சிறையின் - கொடிய
சிறையிலிருந்து; மீட்ட நாள் - மீட்கும் காலத்தில்; இல்புகத் தக்கலை
அல்லை - என் வீட்டில் நுழையத் தகுதியுடையை அல்லை என்று; என்னில்
- என்று கூறினால்; யானுடைக் கற்பினை - யான் கொண்டுள்ள கற்பை;
எப்பரிசு - எந்த வகையால்; இழைத்துக் காட்டுகேன் - நிரூபித்துக்
காண்பிப்பேன். ஆசு - பற்றுக்கோடு. குற்றம் என்றும் கூறலாம். பணி கொண்டு - ஏவல்
கொண்டால். ‘பாவியேனைப் பணி கொண்டாய்’ என்பர் |