கலி விருத்தம் | 5266. | ‘ “சேயிதழ்த் தாமரை” என்று, சேண் உளோர்
ஏயினர்; அதன்துணை எளியது இல்லையால்,
நாயகன் திருஅடிகுறித்து நாட்டுறின்;
பாய் திரைப்பவளமும் குவளைப் பண்பிற்றால் ! |
(ஐயன் திருவடி) சேயிதழ் தாமரைஎன்று -சிவந்த இதழ்களைப் பெற்ற தாமரை மலர்
என்று; சேண் உளோர் - தூரத்திலிருப்பவர் (திருவடியைப் பாராதவர்);
ஏயினர் - ஒப்பிட்டுப் பேசினர்; அதன் துணை - அத்தாமரை அளவுக்கு;
எளியது இல்லை - எளிமை உடையது அன்று; நாயகன் - இராமபிரான்;
திருவடி குறித்து - திருவடியை எண்ணி (அதற்கேற்ப); நாட்டுறின் -
உவமையைக் கூறத் தொடங்கினால்; பாய்திரை - பரவிய அலையுடன் கூடிய
கடலில் உள்ள; பவளமும் - பவளம் கூட; குவளைப் பண்பிற்றாம் -
குவளையின் பண்பை உடையதாம். சேண் உளோர் -தூரத்திலிருப்பவர் (பாதத்தைப் பாராதவர்)
தனித்திருக்கும்போது சிவந்துள்ள பவளம் இராமபிரான் திருவடி
அணுகும்போது குவளைபோல் கரியநிறம் பெறும். குவளைப் பண்பினாம் -
எனப்பாடங்கொண்டு தாமரையைத் திருவடிக்கு உவமையாக்குவது
பவளத்திற்குக் குவளையை உவமை கூறியதற்கு ஒப்பாம் என்று பொருள்.
பாதாதி கேசவர்ணனை மேற்கொள்ளப்பட்டது. இராமன் பரம் பொருள் என்பது
குறிப்பு. (39) | 5267. | ‘தளம் கெழு கற்பக முகிழும், தண் துறை
இளங் கொடிப்பவளமும் கிடக்க; என் அவை ?
துளங்கு ஒளிவிரற்கு எதிர், உதிக்கும் சூரியன்
இளங் கதிர்ஒக்கினும் ஒக்கும் - ஏந்திழாய் ! |
ஏந்திழாய் -ஆபரணங்களையுடையவளே; (விரலுக்குச் சமம் என்று
பேசப்படும்) தளம்கெழு - இதழ்களைப் பெற்றுள்ள; கற்பக முகிழும் - கற்
பகஅரும்பும்; தண்துறை - குளிர்ந்த கடலின் துறைகளில் உள்ள;
இளங்கொடிப்பவளமும் - இளைய பவளக் கொடியும்; கிடக்க -
கிடக்கட்டும்; அவை -அந்த முகிழும் பவளமும்; என் - என்ன பொருள்;
துளங்கு ஒளி -அசையும் ஒளியுடன் கூடிய; விரற்கு எதிர் - பெருமானின்
திருவிரலுக்கு, |