நாட்களில்வெளிப்படையாகத் தெரியும்; தனி மறுவும் - தனியாகவுள்ள
களங்கமும்; வளர்வும் தேய்வும் - வளர்தலும் தேய்தலும்; வாள் அரவம் -
கொடிய பாம்பால்; ஒருநாள் கவ்வும் - ஒரு நாள் கவ்வப்படும்; உறுகோளும்
- மிக்க துன்பமும்; இறப்பும் பிறப்பும் - அழிதலும் தோன்றுதலும்;
ஒழிவுற்றால் - நீங்கப் பெற்றால்; அலங்கல் இருளின் - அசைகின்ற
இருளின்; எழில் நிழற் கீ்ழ் - அழகிய நிழலுக்குக் கீழே; பெருநாள் நிற்பின்
- நீண்ட நாட்கள் நின்றால் (அது); அவன் - இராமபிரானுடைய; நெற்றிப்
பெற்றித்து ஆக பெறும் - நெற்றியின் தன்மை உடையதாகக் கருதப்பெறும்.

     மதி,ஒழிவுற்றால், நிற்பின், பெற்றித்து, ஆகப் பெறும் என்று கூட்டுக.
அசையும் இருள் என்றது பெருமானின் நெற்றியின்பால் அசையும் அளகத்தை.
அளகம் - முன் நெற்றி மயிர். இருள் உவம ஆகுபெயராய் இருள் போன்ற
தலை உரோமத் தொகுதியை உணர்த்திற்று. இருண்ட குழற்கற்றையின் கீழ்
விளங்கும் பெருமான் நெற்றிக்கு இருளின் கீ்ழ் ஒளிரும் பிறை ஒன்று
இருக்குமாயின் ஒப்பாகும் என்றவாறு (அண்ணாமலை பதிப்பு)          (56)

     நீண்டு குழன்று -நீளமாகியும் குழைந்தும்; நெய்த்து இருண்டு -
பளபளத்தும் கருத்தும்; நெறிந்து செறிந்து - நெளிந்தும் அடர்ந்தும்;
நெடுநீலம் பூண்டு - நீலநிறத்தைப் பெற்றும்; புரிந்து சரிந்து - அசைந்தும்
தாழ்ந்தும்; கடை சுருண்டு - இறுதிப் பகுதி சுருண்டும்; புகையும் நறும்
பூவும் - வாசனைப் புகையும் மண மலரும்; வேண்டும் அல்ல என -
வேண்டுவன இல்லை என்று; தெய்வ வெறியே கமழும் - தெய்வ மணம்
கமழ்கின்ற; நறுங்குஞ்சி - நல்ல குழல்; ஈண்டு - இந்தக் கானகத்தில்;
சடையாயினது என்றால் - சடையாகிவிட்டது என்பதால்; (அதன் எளிமை
கருதி) மழை