அது - அந்த மோதிரத்தை; வாள் நுதலி - ஒளிமிக்க நெற்றியை உடைய
பிராட்டி; கண்டாள் - பார்த்தாள். நீட்டு -திருமுகம் (கடிதம்) சித்திர சேனன் நீட்டு அவிழா (உபதேச
காண்டம்; சிவத்துரோகம் 174) அமரர் கம்பனடிப்பொடி, ‘நீட்டு’ என்பதற்குக்
குறிப்பு மொழி அடங்கிய ஓலை என்று பொருள் கூறிக் கல்வெட்டை ஆதாரம்
காட்டுவர். அவர், நீட்டோலை வாசியா நின்றான்... மரம்’ என்னும் பாடலை
மேற் கோள் நினைவு கூர்வர். (63) | 5291. | இறந்தவர்பிறந்த பயன் எய்தினர்கொல் என்கோ ?
மறந்தவர்அறிந்து உணர்வு வந்தனர்கொல் என்கோ ?
துறந்த உயிர்வந்து இடை தொடர்ந்ததுகொல்
என்கோ ?
திறம் தெரிவதுஎன்னைகொல், இந் நல் நுதலி
செய்கை ? |
இந் நல் நுதலிசெய்கை - அழகிய நெற்றியை உடையஇந்தப்
பிராட்டியின் செய்கைக்கு; (உவமையாக) இறந்தவர் - நெறி கடந்து
வாழ்ந்தவர்கள்; பிறந்த பயன் - பிறத்தலால் உண்டாகும் பயனை; எய்தினர்
கொல் என்கோ - பெற்ற செய்கை என்று கூறுவேனோ; மறந்தவர் -
தம்மையே மறந்தவர்கள்; அறிந்து - தம்மையும் தலைவனையும் அறிந்து;
உணர்வு வந்தனர் கொல் என்கோ - பேருணர்வு பெற்ற செய்கை என்று
கூறுவேனோ ? துறந்த உயிர் - உடலைவிட்டு நீங்கிய உயிர்; இடைவந்து -
தக்க சமயத்தில் வந்து; தொடர்ந்தது கொல் என்கோ - ஒன்றுபட்டது என்று
கூறுவேனோ ? திறம் - பிராட்டியின் தன்மையை; தெரிவது என்னை -
அறிவது எப்படி. எய்தினர்,வந்தனர், என்னும் முற்றுக்கள் பெயரெச்சப் பொருள் தந்தது.
இன்றேல் இரண்டு எழுவாயைச் சந்திக்க நேரும். இருவகை முற்று ஈரெச்சம்
ஆகலும் (இலக்கணக் கொத்து 82) எய்திய செய்கை, வந்த செய்கை என
அமையும். திருவாழியைக் கண்ட பிராட்டியின் செயல் 6 பாடல்கள் பேசும்.
மறந்தவர் - தம்மை மறந்தவர்கள். தம்மை மறந்தவர்கள், தம்மையும்
தலைவனையும் அறிந்து பெறுவதே உணர்வு. பிறந்த பயன், என்பது
பிறத்தலால் பெறவேண்டிய பயன் (தொல், சொல் 236) கொல், அனைத்தும்
அசை. (64) | 5292. | இழந்த மணிபுற்று அரவு எதிர்ந்தது எனல் ஆனாள்;
பழந் தனம்இழந்தன படைத்தவரை ஒத்தாள்; |
|