இறைவன் -இராமபிரான்; இளவல் இக்குரல் - தம்பியாகிய
இலக்குவன் இக் குரல் ஒலியை; கேளாது ஒழிக என - கேட்காமற்
போகட்டும் என்று கருதி; சாப மெய் குரல் - தன் வில்லின் மெய்யான
ஒலியை; இட்டான் - உண்டாக்கினான்; பின்னை (உம்) - அங்கனம்
உண்டாக்கிய பின்னும்; விதியின் வெம்மை - விதியினுடைய விருப்பம்;
விளைந்தது - நிறைவேறிற்று; இன்று - இன்றைய தினம் தோன்றிய
(அரக்கனின்); பொய்க்குரல் - பொய்யான (மானின்) குரலால்; பின்பு -
பின்னர்; பொல்லாப் பொருள் - தீய செயலானது; பயக்கும் என்பான் -
நிகழப் போகிறது என்று கருதிய; கைக்குரல் வரி வில்லானும் - கையில்
பொருந்திய வில்லேந்திய இராமபிரான்; இளையவன் வரவு - இலக்குவன்
வருதலை; கண்டான் - பார்த்தான். மாயமான் குரல்கேளாமல் போகட்டும் என்று இராமபிரான் வில் ஒலியை
எழுப்பியது முன்பு பேசப்படவில்லை. இங்ஙனம் முன்பு பேசாததைப் பின்பு
கூறுவது கவிச்சக்கரவர்த்தியின் இயல்பு. வெம்மை - விருப்பம். ‘வெம்மை
வேண்டல்’ என்று தொல்காப்பியம் பேசும். (தொல் உரி 334) வெப்பம் என்றும்
கூறலாம். பொய்க்குரல் இன்று - பொய்க்குரல் போல் இல்லை என்றும் கூறப்
பெற்றது. பொல்லாப் பொருள் - தீய செயல். ஒரு பொருள்
சொல்லுவதுடையேன் (கலி 8) (75) | 5303. | ‘கண்டபின், இளைய வீரன் முகத்தினால் கருத்தை
ஓர்ந்த
புண்டரிகக்கணானும், உற்றது புகலக் கேட்டான்;
வண்டு உறை சாலைவந்தான், நின் திரு வடிவு
காணான்,
உண்டு உயிர்,இருந்தான்; இன்னல் உழப்பதற்கு
ஏது ஒன்றோ ? |
கண்டபின் -பார்த்தபிறகு; இளைய வீரன் முகத்தினால் -
இலக்குவனின் முகக்குறிப்பால்; கருத்தை ஓர்ந்த - அவன் மனக் கருத்தை
அறிந்த; புண்டரீகக் கணானும் - தாமரை மலர் போன்ற கண்களை உடைய
இராமபிரானும் (இலக்குவன்); உற்றது புகல - நிகழ்ந்ததை எடுத்துக்கூற;
கேட்டான் - கேட்டு அறிந்து; வண்டு உறை சாலை வந்தான் - வண்டுகள்
மொய்த்துள்ள பர்ண |