என்னிடம்கொடுப்பாயாக; தருகிற்றிலையேல் - தாராமல் போவாய் என்றால்
(நீ); நெருப்பு ஆதி என்னா - நெருப்பு மயமாகி விடுவாய் என்று கூறி;
சினம் கொண்டான் - சீற்றம் கொண்டான். போது - சூரியன்.போதும் வைகிற்றுப் போம் இடம் வேறு இலை
என்பர் சேக்கிழார் (இளையான்குடி) போதும் சென்றது குடபால் (வனம்புகு 19)
(85) | 5313. | ‘ “குன்றே ! கடிது ஓடினை, கோமளக் கொம்பர்
அன்ன
என் தேவியைக்காட்டுதி;காட்டலைஎன்னின், இவ்
அம்பு
ஒன்றே அமையும்,உனுடைக் குலம் உள்ள எல்லாம்
இன்றே பிளவா,எரியா, கரி ஆக்க” என்றான். |
குன்றே - மலையே நீ;கடிது ஓடினை - வேகமாக ஓடிப் போய்
(தேடி); கோமளக் கொம்பர் அன்ன - அழகிய பூங்கொம்பு போலும்; என்
தேவியைக் காட்டுதி - என்னுடைய தேவியைக் காண்பி; காட்டலை
என்னின் - அவ்வாறு காட்டவில்லை என்றால்; உன் உடைக்குலம் -
உன்னுடைய மலைக் கூட்டங் களையும்; உள்ள எல்லாம் - அம்மலையில்
உள்ள அனைத்தையும்; இன்றே - இன்றைய தினமே; பிளவா - பிளந்து;
எரியா - எரித்து; கரி ஆக்க - கரியாகச் செய்ய; இவ் அம்பு ஒன்றே -
இந்த ஓர் அம்பு; அமையும் - போதியதாகும். என்றான் - என்று கூறினான். கோமளம் - இளமைஅழகு. கோமளக் கொழுந்து என்றும் (திருவாசகம்)
கோமள ஆன்கன்று (திருவாய்மொழி) என்றும் கூறப் பெற்றன. இஃதொரு ராம
நாடகம். (86) | 5314. | ‘ “பொன் மான் உருவால் சில மாயை புணர்க்க
அன்றோ,
என் மான்அகல்வுற்றனள் இப்பொழுது என்கண் ?”
என்னா,
நன் மான்களைநோக்கி, “நும் நாமமும் மாய்ப்பென்
இன்றே,
வில் மாண்கொலை வாளியின்” என்று, வெகுண்டு
நின்றான். |
|