கழகப்பதிப்பு. உபாயம்என்றது பிராட்டியைத் தேடுவதற்கு மேற்கொள்ள
வேண்டிய நெறியை. ஆர் உயிராய தம்பி என்ற தொடரையும், ‘தம்பியர்
அல்லது தனக்கு வேறு உயிர் இம்பரின் இலது என எண்ணி ஏய்ந்தவன்’
(கம்ப. 3969) என்னும் அடிகளையும் ஒப்பிடுக. (88) | 5316. | ‘வந்தான்இளையானொடு, வான் உயர் தேரின்
வைகும்
நந்தாவிளக்கின் வரும் எம் குல நாதன் வாழும்
சந்து ஆர் தடங்குன்றினில்; தன் உயிர்க்
காதலோனும்
செந் தாமரைக்கண்ணனும், நட்டனர் தேவர் உய்ய. |
(இராமபிரான்) வான் உயர் -விண்ணில் உயர்ந்துள்ள; தேரின் வைகும் - தேரிலே
வீற்றிருக்கும்; நந்தா விளக்கின் வரும் - குறைவுபடாத சூரியன் பால் உதித்
த;எம்குல நாதன் வாழும் - எமது குலத்தவனான சுக்கிரீவன் தங்கிய;
சந்துஆர் - சந்தன மரங்கள் செறிந்த; தடங்குன்றினில் - பெரிய இருசிய
மூகமலையில்; இளையானொடு வந்தான் - இளைய பெருமாளுடன் வந்தான்;
(அங்கு) செந்தாமரைக் கண்ணனும் - தாமரை போன்ற கண்களை உடைய
இராமபிரானும்; தன் உயிர்க்காதலோனும் - தன்னுடைய உயிர் மேல்
அன்புள்ள சுக்கிரீவனும்; தேவர் உய்ய - தேவர்கள் வாழ்வு பெற; நட்டனர்
- நட்புப் பூண்டனர். நந்தா விளக்கு -சூரியன். வருதல் - தோன்றுதல் (பிறத்தல்) தசரதன்
மதலையாய் வருதும் (திரு அவதாரம்) சந்து - சந்தனம். அந்துவன் பாடிய
சந்து செழு நெடுவரை (அகம் 59) தாமரைக்கண்ணன் - திருமால்
(இராமபிரான்) தன்உயிர்க்காதலோன் - சுக்கிரீவன் - தன்னுடைய உயிர்மேல்
ஆசை வைத்தவன்வாலிக்குப் பயந்து உயிரைக் காப்பாற்றிக் கொள்ள
ரிசியமுகபர்வதம் வந்தவன்என்ற வரலாறு காண்க. (89) | 5317. | ‘உண்டாயதும், உற்றதும், முற்றும் உணர்த்தி, உள்ளம்
புண்தான் எனநோய் உற விம்முறுகின்ற போழ்தின்,
எண்தான் உழந்துஇட்ட நும் ஏந்து இழை, யாங்கள்
காட்ட,
கண்டான், உயர்போதமும் வேதமும் காண்கிலாதான். |
|