யானது; பண்டு உண்டு- முன்பே உள்ளது; ஆயினும் - எங்கனம்
ஆராய்ந்து; பேர்ப்பது அன்று - போக்கத்தக்கது அன்று; தன்மை -
அப்பிணியின் தன்மை; தணிகின்ற நம் சொல் - தாழ்ந்த நம் சொல்லால்;
தொடர் தன்மையது அன்று - பின்பற்றிச் சொல்லும் தன்மையுடையது
அன்று.

    பிரிவாற்றாமையால் இதயத்தில் உள்ள அவலத்தைப் பிணி கொண்டது;
அப்பிணி அமுதத்தைத் தெளித்தாலும் மாறாதது. அது பேர்ப்பது அன்று என்க.
                                                          (91)

     அயர்வு உற்று -சோர்ந்து; அரிதின் தெளிந்து - மிகவும்
சிரமப்பட்டுத் தெளிந்து (இவை இராமன் நிலை); அம்மலைக்கு - அந்த
இருசியமுக மலைக்கு; அப்புறத்து ஓர் - அந்தப் பக்கத்தில் உள்ள ஒரு;
உயர் - உயர்ந்த; பொன்கிரி உற்றுளன் - அழகிய மலையில் இருப்பவனும்;
வாலி என்று ஓங்கல் ஒப்பான் - வாலி என்னும் பெயருடன் மலையை
ஒத்திருப்பவனும்; துயர்வு உற்று - துன்பம் அடைந்து; அவ் இராவணன் -
அந்த இராவணன்; வாலிடை - தன் வாலின்கண்ணே; பண்டு தூங்க - முன்பு
தொங்கும்படி (பிணித்து); மயர்வுற்ற - மயக்கம் அடைந்த; பொருப்பொடு -
மலைகளையும்; மால் கடல் - பெரிய கடல்களையும்; தாவி வந்தான் - தாவி
வந்தவனும்.                                             (92)