ஆயானை - ஆகிய வாலியை; ஓர் அம்பினில் - ஒரு அம்பினாலே;
ஆர் உயிர் வாங்கி - அரிய உயிரைக் கவர்ந்து; அன்பின் துயான்வயின் -
அன்பினாலே தூய சுக்கிரீவனிடத்து; அ அரசு ஈந்தவன் - அந்த அரசைக்
கொடுத்த இராமபிரான்; (சுக்கிரீவனை) சுற்றும் சேனை மேயான் - சுற்றுகின்ற
சேனையுடன் கூடியவனாய்; வருவான் என விட்டான் - வரும்படியாக என்று
அனுப்பிவிட்டு; மேவுகாறும் - அவன் வரும் வரையிலும்; ஏயான் - அவனை
ஏவிய இராமன்; திங்கள் இரண்டும் இரண்டும் - நான்கு மாதங்களும்; இடை
- அந்த இருசிய முகமலையில்; இருந்தான் - தங்கியிருந்தான். இராமபிரான்ஆறுமாதம் பொறுத்திருந்ததாக ஒரு தனிப்பாடல்
பேசுவதைஉலகம் அறியும். இராமன் ‘இறையாறு திங்கள் இருந்தான்
வாலிக்கிளையான்வரை’ (பெருந் தொகை 1004) மழைக்காலத்தில்
படையெடுப்புநிகழ்த்தக்கூடாது. சாதுர்மாசம் என்று பேசப்படும் விரதத்தை
மேற்கொள்ளவேண்டும். சாதுர் மாசம் - நான்கு மாதம். சமணர்களும்
பௌத்தர்களும் கூடஇவ்விரதத்தை அனுஷ்டித்ததாக வரலாறு பேசும்.
‘பெருமான் சுக்கிரீவன்பால்,திங்கள் நான்கில் விரசுக’ என்று கேட்டுக்
கொண்டதாகப் பேசப் பெற்றது(கம்ப. 4138) அம்மலை என்பது பலர்
அறிசுட்டு. முன்பு ஒன்றைக் கூறாமலேஇச்சுட்டு அமையும். (93) | 5321. | ‘பின் கூடியசேனை பெருந் திசை பின்ன ஆக,
வி்ல் கூடு நுதல்திரு ! நின்னிடை மேவ ஏவி,
தெற்கு ஊடுருவக்கடிது ஏவினன் என்னை’ என்ன,
முன் கூடினகூறினன், காலம் ஓர் மூன்றும்
வல்லான். |
வில்கூடும் -வில்லைஒத்த; நுதல் திரு - நெற்றியை உடைய
திருமகளே; பின் கூடிய சேனை - காலம் தாமதித்து வந்த சேனையை;
பெருந்திசை பின்ன ஆக - பெரிய திசைகள் பின் ஆகும்படி; நின் இடை
மேவ ஏவி - நீ இருக்கும் இடத்தை அடையக் கட்டளையிட்டு விட்டு; தெற்கு
ஊடுருவ - தென் திசையைத் துருவிச் செல்ல; என்னை - அடியேனை; கடிது
ஏவினன் - வேகமாக ஏவினன்; என்ன - என்று; முன் கூடின - முன்பு
நிகழ்ந்தவற்றை; காலம் ஓர் மூன்றும் வல்லான் - முக்காலமும் அறியவல்ல
அனுமன்; கூறினன் - சொன்னான்.
வில் கூடு -இதில் உள்ள கூடு உவம வாசகம். (94) |