| 5399. | ‘சூல் இரும் பெரு வயிறு அலைத்துச் சோர்வுறும்
ஆலிஅம்கண்ணியர் அறுத்து நீத்தன,
வாலியும் கடப்பஅரு வனப்ப, வான் உயர்
தாலி அம் பெருமலை தயங்கக் காண்டியால். |
(அம்மையே) சோர்வுறும் -சிந்துகின்ற; ஆலி கண்ணியர் - நீர்த்துளிகளுடன்
கூடிய கண்களை உடைய அரக்கிமார்கள்; சூல் - கருக் கொண்டாற் போன்ற;
இரும் பெருவயிறு அலைத்து - மிகப் பெரிய வயிற்றில் அடித்துக் கொண்டு;
அறுத்து நீத்தன - அறுத்து ஒதுக்கியனவும்; வாலியும் கடப்ப அரு -
வாலியாலும் தாண்ட முடியாத; வனப்ப - தோற்றத்தை உடையனவும் (ஆகிய);
வான் உயர் - வானம் அளாவிய; தாலி பெரு மலை - தாலியாகிய மலை;
தயங்கக் காண்டி - விளங்குவதைப் பார்ப்பாயாக. சூல் - கரு.இயல்பாக உள்ள பெருவயிறு சூல் கொண்டாற்போல்
இருக்கும். ஆலி - நீர்த்துளி. அறுத்து நீத்தனவும், வாலியாலும் கடக்கவியலாத
தோற்றத்தை உடையனவும் ஆகிய தாலிமலை. சூல் - முட்டை போன்று
உருண்டு பருத்திருக்கும்வயிறு. மழைச் சூல் உடும்பு பெரும்பாண் 132)
ஆலியம் கண்ணினர், தாலியம் பெருமலை என்பனவற்றில் உள்ள ‘அம்’
சாரியை. காண்டியால் - இதில் உள்ள ஆல் அசை. இதனால் அரக்கர்கள்
அழிவர். உறுதி. உனக்கும், உலகுக்கும் நல்ல காலம் வரும் என்பது
குறிக்கப்பெறுகிறது. (55) | 5400. | ‘விண்ணின்நீளிய நெடுங் கழுதும், வெஞ் சிறை
எண்ணின் நீளியபெரும் பறவை ஈட்டமும்,
புண்ணின் நீர்ப்புணரியில் படிந்து, பூவையர்
கண்ணின் நீர்ஆற்றினில் குளிப்பக் காண்டியால். |
விண்ணின் -ஆகாயத்தைப் போல; நீளிய - நீண்ட; நெடுங் கழுதும்
- பெரிய பேய்களும்; வெஞ்சிறை - கொடிய சிறகைப் பெற்ற; எண்ணின்
நீளிய - எண்ணத் தொடங்கில் முடிவற்றிருக்கின்ற; பெரும் பறவை ஈட்
டமும்- பெரிய பறவைக் கூட்டமும்; புண்ணின் - அரக்கர்களின்
புண்ணிலிருந்துவரும்; நீர்ப்புணரியில் - இரத்தக் கடலில்; படிந்து -
நீராடிவிட்டு (பிறகு);பூவையர் - மகளிரின்; கண்ணின் - கண்களில் வடியும்;
நீர் ஆற்றினில் -கண்ணீராகிய ஆற்றிலே; குளிப்பக் காண்டி -
நீராடுதலைப் பார்ப்பாயாக. |