இராவணனின் தலைகளை;தடிந்து வவ்லி - களைந்து கைப்பற்றி; இடுவ -
போடுவதை; காண்டி - பார்ப்பாயாக. ஆல் - அசை.தோற்ற யானைகளின் பாதத்தில் வென்ற இராவணனின்
தலை விழும் என்றதுசெருக்கின் முடிவு இப்படித்தான் அமையும் என்று
குறிப்பித்தவாறு. திசையானைகளுள் வெண்மை முதலிய பிறநிறம் உடையனவும்
உளவேனும் பெரும்பான்மை பற்றி நீல் உறுதிசைக் கரி என்றார்
(அண்ணாமலை - பதி) இடுவ, தொழிற்பெயர்த்திரிபு. இடுதல் என்பதே
பொருள். பிறவாறு கூறி இடர்ப்பட வேண்டா. தொழிற் பெயர் எச்சமாய்
தோன்றல் மரபே (உரைச்சூத்திரம்) (61) | 5406. | ‘நீர்த்துஎழு கணை மழை வழங்க, நீல வான்
வேர்த்தது என்றுஇடை இடை வீசும் தூசுபோல்,
போர்த்து எழுபொலங் கொடி இலங்கை, பூழியோடு
ஆர்த்து எழு கழுதுஇரைத்து ஆடக் காண்டியால். |
நீர்த்துஎழும் கணை - தன்மை உடையதாய் எழும் அம்புகளாகிய;
மழை வழங்க - மழையைப் பொழிய (அதை); நீலவான் - நீலநிறமுடைய
ஆகாயத்துக்கு; வேர்த்தது என்று - வியர்வை உண்டாயிற்று என்று; இடை
இடை - இடை இடையே; வீசும் தூசு போல் - வீசுகின்ற ஆடையைப்
போல; போர்த்து எழு - நெருங்கி எழுந்துள்ள; பொலங்கொடி இலங்கை -
அழகிய கொடியைப் பெற்ற இலங்கையில்; பூழியோடு - புழுதியுடனே;
ஆர்த்து எழு கழுது - ஆரவாரித்து எழுகின்ற பேய்களை; இரைத்து -
கொக்கரித்து; ஆட - ஆடுவதை; காண்டி - பார்ப்பாயாக. ஆல் - அசை. பூழி- புழுதி. தூசு - ஆடை. மேக மண்டலம் வரை
உள்ள கொடி என்க. கொடியாடிய இலங்கையில் பேயாடும் நிலை வரப்
போகிறது. என்றதால் இலங்கையின் அழிவு பேசப்படுகிறது என்க. (62) | 5407. | ‘நீல் நிறஅரக்கர்தம் குருதி நீத்தம் நீர்
வேலை மிக்கு,ஆற்றொடு மீள, வேலை சூழ்
ஞாலம் முற்றுறுகடையுகத்து நச்சு அறாக்
காலனும்,வெறுத்து, உயிர் காலக் காண்டியால். |
நீல்நிறம் -நீலநிறத்தைப் பெற்ற; அரக்கர் தம் - அரக்கர்களின்;
குருதி நீத்தம் - இரத்த வெள்ளம்; நீர் வேலை மிக்கு |