| 5412. | ‘சோகம்வந்து உறுவது, தெளிவு தோய்ந்து
அன்றோ ?
மேகம் வந்துஇடித்து உரும்ஏறு வீழ்கினும்,
ஆகமும் புயங்களும்அழுந்த, ஐந் தலை
நாகம் வந்துஅடர்ப்பினும், உணர்வு நாறுமோ ? |
(இராமபிரானுக்கு) சோகம் வந்துஉறுவது - உள்ளம் சோர்வு அடைவது; தெளிவு
தோய்ந்து அன்றோ - அது தெளிவை அடைந்தால் அல்லவா; மேகம் -
மேகமானது; வந்து - அணுகி; இடித்து - இடியிடித்து; உரும் ஏறு -
பேரிடியை; வீழ்க்கினும் - வீழச் செய்தாலும்; ஆகமும் புயங்களும் -
உடம்பும் தோள்களும்; அழுந்த - வாட்டம் அடைய; ஐந்தலை நாகம் -
ஐந்து தலையைப் பெற்ற நாகம்; வந்து - அணுகி; அடர்ப்பினும் -
தாக்கினாலும்; உணர்வு நாறுமோ - (பெருமானுக்கு) உணர்ச்சி உண்டாகுமா. பெருமான், தன்நினைவற்றுக்கிடப்பதால் சோகம் வருத்தாது என்க.
இடிக்கும் நஞ்சுக்கும் எட்டாத நிலையில் பெருமான் உள்ளான். பெருமான் ஒரு
நாளாகிலும் தெளிந்திருந்தால் அல்லவா சோகத்தை அறியப் போகிறான்
என்பது பழைய உரை (அடை - பதி) மேகம் வந்து உரும் ஏறு வீழினும்
என்னும் பாடத்திற்கு மேகத்திலிருந்து வெளிப்பட்டு இடி வீழ்ந்தாலும் என்று
பொருள் கொள்ள வேண்டும். உரும் ஏறு எழுவாய். வீழ்க்கினும் என்னும்
பாடத்திற்கு மேகம் எழுவாய். நாறுதல் - தோன்றுதல். அறங்கள் நாறும்
மேனியார் (வாலிவதை.3) (68) | 5413. | ‘மத்து உறுதயிர் என வந்து சென்று, இடை
தத்துறும்உயிரொடு புலன்கள் தள்ளுறும்
பித்து, நின்பிரிவினில் பிறந்த வேதனை,
எத்தனை உள ?அவை எண்ணும் ஈட்டவோ ? |
மத்து உறுதயிர்என - மத்தால் கடையப்படும்தயிர்போல; வந்து -
உடலுக்குள் வந்தும்; சென்று - வெளியே சென்றும்; இடை - (ஆசைக்கும்
கவலைக்கும்) நடுவில்; தத்துறும் - தடுமாற்றம் அடையும்; உயிரொடு -
உயிருடனே; புலன்கள் தள்ளுறும் - ஐந்து புலன்களையும் வீழ்த்துகின்ற;
பித்து - பித்தநிலையும்; நின் பிரிவினில் பிறந்த - நின் பிரிவாலேதோன்
றிய;வேதனை - வேதனையும்; எத்தனை உள - எவ்வளவு
இருக்கின்றன; அவை |