இறையும் - குரங்குகளின்தலைவனான சுக்கிரீவனும்; நின் வார்த்தை கேட்டு
- உன்னுடைய சொற்களைக் கேட்டு; உவப்பதன் முன்னர் -
மகிழ்ச்சியடைவதற்கு முன்பே; மாக்குரங்கு - பெரிய குரங்குக் கூட்டம்;
மாக்கடல் தூர்த்தன - கரிய கடலை மேடு பண்ணி (அதன் வழியே வந்து);
இலங்கையைச் சூழ்ந்து - இலங்கையை முற்றுகை இட்டு; ஆர்த்தது -
ஆரவாரிப்பதை; கேட்டு - செவியில் ஏற்று; உவந்து இருத்தி -
மகிழ்ச்சியுடன் இருப்பாயாக. இராமன் உன்மொழி கேட்டு மகிழ்வதன் முன் நீ, குரங்குகளின்
ஆரவாரம் கேட்டு மகிழ்க. தீர்த்தன் - திருமால். இங்கு அச் சொல்
இராமபிரானைக் குறிக்கிறது. தீர்த்தன் என்று அறிந்ததோ (திருவவதாரம் 114)
இறை - அரசன். மன்னவன் மக்கட்கு இறை (திருக்குறள்) ஆர்த்தது - தொழிற்
பெயர் மாக்கடல் கருங்கடல். பெருங்கடல் என்றும் கொள்ளலாம். ஆழ்கடல்
என்பதே பலபிரதிகளில் காண்கின்றது. இப்பாடலை விரைவு நவிற்சியணி என்று
கூறி அலங்கார சாத்திரத்தை விரிவுபடுத்தலாம். (71) | 5416. | ‘எண்ணஅரும் பெரும் படை, நாளை, இந் நகர்
நண்ணிய பொழுது,அதன் நடுவண், நங்கை ! நீ,
விண் உறுகலுழன்மேல் விளங்கும் விண்டுவின்,
கண்ணனை என்நெடும் வெரிநில் காண்டியால். |
நங்கை - அம்மையே ! எண்ண அரும் பெரும் படை - கணக்கிட
முடியாத பெருஞ்சேனை; நாளை - நாளைய தினத்தில்; இந்நகர் நண்ணிய
பொழுது - இந்த நகரை யடைந்த போது; அதன் நடுவண் - அந்தச்
சேனையின் நடுவில்; விண் உறு கலுழன் மேல் - விண்ணிலே பறக்கும்
கருடன் மேலே; விளங்கும் - பொலிவு பெறுகின்ற; விண்டுவின் -
திருமாலைப் போல; கண்ணனை - இராம பிரானை; என் - என்னுடைய;
நெடும் வெரிநில் - பெரிய தோள்களில்; நீ காண்டி - நீ பார்ப்பாயாக. எண்ணுதல் -கணக்கிடுதல். கருதுதல் என்றும் கூறலாம். கலுழன் -
கருடன். கண்ணன் - திருமால். இங்கே இராமபிரானைக் குறிக்கிறது.
கவிச்சக்கரவர்த்தி பல இடங்களில் இராமபிரானைக் கண்ணன் என்று குறிப்பார்.
‘கண்ணனைக் கண்ணில் நோக்கி கனிந்தனன்’ (கம்ப. 1965) கண்ணன் -
என்பது பாகதச் சொல் என்பர் பேராசிரியர். |