குரா - குரவம்(ஒருவகை மரம்) உன்னை மீட்காவிடில் இராவணனைச்
சார வேண்டிய பாவம் இராமனைப் பற்றும் என்றனன். மேலே. 39 ஆம்
பாடலின் (தோன்றா எழுவாயாக இருந்த) அனுமன் என்றனன் என்னும்
பயனிலை கொண்டது. (74) சீதை கூறியஅடையாளச் சொற்கள் கலித்துறை | 5419. | ஆக இம்மொழி ஆசு இல கேட்டு, அறிவுற்றாள்;
ஓகை கொண்டுகளிக்கும் மனத்தள், உயர்ந்தாள்;
‘போகை நன்றுஇவன்’ என்பது, புந்தியின்
வைத்தாள்;
தோகையும், சிலவாசகம் இன்னன சொன்னாள்; |
ஆக - இவ்வாறாக; ஆசுஇல - குற்றம் இல்லாத; இம்மொழி கேட்டு
- (அனுமன் கூறிய) இந்த மொழியைக் கேட்டு; தோகையும் - சீதா
பிராட்டியும்; அறிவுற்றாள் - அறிவில் தெளிவுபெற்று (அதனால்); ஓகை
கொண்டு -அன்புற்று; தளிக்கும் மனத்தள் - மகிழ்ச்சி பெற்ற
உள்ளமுடையவளாய்;உயர்ந்தாள் - சிறப்புப் பெற்று; இவன் - இந்த
அனுமன்; போகை நன்று -(இராமபிரான்பால்) செல்வது சிறந்தது; என்பது -
என்னும் எண்ணத்தை;புந்தியில் வைத்தாள் - அறிவில் நிலை நிறுத்தி;
இன்னன - இப்படிப்பட்ட;சிலவாசகம் - சில மொழிகளை; சொன்னாள் -
கூறினாள். உவகை என்பது ஓகைஎன்று மருவிற்று. உவகை - அன்பு. அச்சமும்
உவகையும் .... நிமித்தமும் என்னும் புறத்திணைப் பகுதிக்கு (36) நச்சர்
வழங்கிய உரை காண்க. அவர் உவகை - அன்பு என்று வரைந்தார்.
தோகையும் என்பதில் உள்ள ‘உம்’ அசை. இக்கலித்துறை மா - விளம் -
விளம் - விளம் - மா என்னும் சீர்களைப் பெற்று வரும். இத்தகு பாடல்கள்
இந்நூலில் 1223 உள்ளன. (75) | 5420. | ‘சேறி, ஐய! விரைந்தனை; தீயவை எல்லாம்
வேறி; யான் இனிஒன்றும் விளம்பலென்; மேலோய் !
கூறுகின்றன, முன்குறி உற்றன, கோமாற்கு
ஏறும்’ என்று,இவை சொல்லினள் இன்சொல்
இசைப்பாள்; |
|