வேங்கை செற்று -வேங்கைமரங்களை அழித்து; மரா மரம்
வேர்பறித்து - ஆச்சாமரங்களை வேரோடு பிடுங்கி எறிந்து; ஓங்கு கற்பகம்
பூவொடு ஒடித்து - உயர்ந்த கற்பக மரங்களை மலர்களுடன் முறித்து;
பாங்கர் உராய் சண்பகம் பத்தி பறித்து - பக்கங்களில் உராய்ந்து
கொண்டிருந்த சண்பக மரங்களின் வரிசைகளைப் பறித்து எறிந்து; அயல்
மாங்கனிப் பணை மட்டித்து மாற்றி - பக்கத்தில் உள்ள மாம்பழங்கள்
நிறைந்த கிளைகளை முறித்து நிலை மாறச் செய்து. கற்பக மரங்கள்தெய்வத்தன்மை வாய்ந்தன. அதனால் அவைகள்
அழியவில்லை; நிலை மாறின. (25) | 5454. | சந்தனங்கள் தகர்ந்தன-தாள் பட,
இந்தனங்களின்வெந்து எரி சிந்திட,
முந்து அனங்கவசந்தன் முகம் கெட,
நந்தனங்கள்கலங்கி நடுங்கவே. |
அனங்கன் முந்துவசந்தன் முகம்கெட - மன்மதனுக்கு முன்னே
வரும் அவன் நண்பனான வசந்தனுடைய முகம் பொலிவு இழக்கவும்;
நந்தனங்கள் கலங்கி நடுங்க - வானில் உள்ள பூஞ்சோலைகள் போல
குலைந்து நடுக்க முறவும்; தாள் பட தகர்ந்தன சந்தனங்கள் - அனுமனின்
கால்பட்டதால் தகர்த்து எறியப் பட்ட சந்தன மரங்கள்; இந் தனங்களின்
வெந்து எரி சிந்திட - விறகுகளைப் போல எரிந்து நெருப்பைக்கக்கவும். நந்தனம் -தேவர் உலகத்தில் உள்ள பூஞ்சோலை; அசோகவனத்துச்
சந்தன மரங்களின் நெருப்பு நந்தனங்களில் இருந்த வசந்தன் முகத்துப்
பொலிவை அழித்தது. வசந்தன் - வசந்த காலத்துக்குரிய தேவன்; மன்மதனின்
தோழன் என்பது புராண வழக்கு. அனங்க வசந்தன் எனக் கொண்டு
அனங்கனாகிய வசந்தன் என இருபெயரொட்டாக்கி மன்மதனையே
குறித்ததாகவும் கொள்ளலாம். (26) | 5455. | காமரம்களி வண்டு கலங்கிட,
மா மரங்கள்மடிந்தன, மண்ணொடு;
தாம், அரங்கஅரங்கு தகர்ந்து உக,
பூ மரங்கள்எரிந்து பொரிந்தவே. |
|