காந்த - பெரிய உருண்டைகளாகத்தன் உணவை உண்ணும் யானையின் முக
படாம் போல ஒளி வீசி விளங்க. மலைகளைச்சுற்றிக் கொடிகள் மேகங்களில் தோன்றும் மின்னலைப்
போன்றன. சுற்றி அமைந்த மரங்கள் யானையின் முக படாம் போன்றன. ஓடை
- யானையின் முகத்தில் அழகுக்காக மூடப்படும் முகபடாம். (29) | 5458. | பறவைஆர்த்து எழும் ஓசையும், பல் மரம்
இற எடுத்த இடிக்குரல் ஓசையும்,
அறவன் ஆர்த்துஎழும் ஓசையும், அண்டத்தின்
புற நிலத்தையும்கைம்மிகப் போயதே. |
பறவை ஆர்த்துஎழும் ஒசையும் - (அந்த வேளையில்)பறவைகள்
பெருங்கூச்சலிட்டு எழுகின்ற ஓசையும்; பல் மரம் இற எடுத்த இடிக் குரல்
ஓசையும் - பலமரங்கள் ஓடிபட அதனால் உண்டான இடியின் ஒலி போன்ற
ஓசையும்; அறவன் ஆர்த்து எழும் ஓசையும் - அறத்தின் உருவினனான
அனுமன் ஆரவாரித்தலால் உண்டான ஓசையும்; அண்டத்தின் புற
நிலத்தினும் கை மிகப் போயது - இவ்வுலக உருண்டையின் வெளி
நிலத்தினைக் கடந்து போயிற்று. அறவன் - அனுமன்(அறத்தின் வடிவினன்) (30) | 5459. | பாடலம்படர் கோங்கொடும், பண் இசைப்
பாடல் அம் பனிவண்டொடும், பல் திரைப்
பாடு அலம்பு உயர்வேலையில் பாய்ந்தன,-
பாடு அலம் பெற,புள்இனம், பார்ப்பொடே. |
பார்ப்பொடு புள்இனம் - தமது குஞ்சுகளுடனே மரங்களில் இனிது
தங்கியிருந்த பறவைகளின் கூட்டம்; பாடு அலம் பெற - துன்பத்தை
மிகுதியாக அடைய; படர் கோங்கொடும் - உயர்ந்து வளர்ந்துள்ள கோங்கு
மரங்களும்; பாடலம் - பாதிரிமரங்களும்; பண் இடைப் பாடல் அம் பணி
வண்டொடும் - சிறப்பித்துக் கூறப்பெறுகின்ற இசைப்பாடலைக் கொண்ட
அழகிய குளிர்ந்த வண்டுகளோடும்; பல் திசை பாடு அலம்பு உயர்
வேலையில் பாய்ந்தன - பல அலைகள் கரைகளை வந்து தழுவி அலம்பும்
கடலிலே போய் விழுந்தன. |