வாரி நேர்இயக்கு உற - கடலுக்கு நேராகச்சென்று விழும்படி;
திசைதொறும் எறிந்தன - எல்லாத்திக்குகளிலும் எறியப்பட்டனவாகிய;
மயக்கு இல்பொன் குல வல்லிகள் - ஒளி மழுங்குதல் இல்லாத பொன்
மயமானகூட்டமாக உள்ள கொடிகள்; வெயில் கதிர்க் கற்றை அற்று உற
வீழ்ந்தன -சூரிய கிரணங்களின் தொகுதி அறுபட்டு (பூமியில்) பொருந்தி
வீழ்ந்தனவாகி;புயல் கடல் தலை பூக்கன போல்வன - மேகங்கள் படிகின்ற
கடலினிடத்துப்புகுந்தனவற்றை ஒப்பனவாயின.

அனுமன் வீசிஎறிந்ததால் கடலில் விழுந்த பொற்கொடிகளின் தொகுதி,
அறுபட்டு, கடலில் புக்க சூரிய கிரணக் கற்றை போல விளங்கின. தன்மைத்
தற்குறிப்பேற்ற அணி. (38)

பெரிய மா மரமும்- மிகப்பெரிய மரங்களையும்; பெரும் குன்றமும்
- பெரிய மலைகளையும்; விரிய வீசலின் - பிளவுபடும்படி (அனுமன்) வீசி
எறிந்ததனால்; மின் நெடும் பொன் மதில் நெரிய - பேரொளி கொண்ட
நீண்ட பொன் மதில்கள் நெரிந்து தூளாகவும்; மாடம் நெருப்பு எழ நீறு எழ
- மாளிகைகள் நெருப்புத் தோன்றிச் சாம்பலாகப் போகவும்; இலங்கையும்
எங்கணும் இரியல் போன - இலங்கை அரக்கர் கூட்டங்கள் நிலை கெட்டு
எல்லா இடங்களிலும் ஓடின.

இலங்கைஆகுபெயரால் இலங்கையில் வாழ்ந்த அரக்கர் கூட்டங்களைக்
குறித்தது. (39)

சந்திரன் மறைதல்

                                                                       அறுசீர்ஆசிரிய விருத்தம்