வரைகளைஇடறுமின் என்றால் - மலைகளை இடறித் தள்ளுங்கள்
என்றாலும்; மறிகடல் பருகுமின் என்றால் - அலை புரளுகின்ற கடல் நீரைக்
குடித்து விடுங்கள் என்றாலும்; இரவியை விழ விடும் என்றால் - சூரியனைக்
கீழே விழும்படி தள்ளிவிடுங்கள் என்றாலும்; எழு மழை பிழியுமின் என்றால்
- வானத்தில் செல்லுகின்ற மேகத்தைப் பிழிந்து விடுங்கள் என்றாலும்;
அரவினது அரசனை தரையினொடு அரையுமின் என்றால் -
பாம்பரசனாகிய ஆதி சேடனை, தரையோடு சேர்த்து அரைத்து விடுங்கள்
என்றாலும்; தரையினை எடும் எடும் என்றால் - இந்தப் பூமியைப் பெயர்த்
துஎடுத்து விடுங்கள் என்றாலும்; ஒருவர் அது அமைதல் சமைந்தார்
ஒன்றோ- ஒருவரே, அத் தொழிலைச் செய்து முடிக்கத்தக்கவராவர்.
(இவர்கள்வல்லமை) இவ்வளவு மாத்திரமேயோ ? இவர்களது வல்லமை
இத்தோடுஅடங்காது என்றபடி.

     இயற்கையின்இயல்புகளை மாற்றுவதற்கு. அரக்க வீரர்களுள் ஒருவரே
போதும். என்பது கருத்து.                                       (17)

     தூளியின் நிமிர்படலம் போய் - (வீரர்கள்செல்வதால்) எழுந்த
புழுதியின் தொகுதி மேலே சென்று; இமையவர் விழி துற - தேவர்களின்
கண்களைத் தூர்த்துவிட; வெம் போர் மீளியின்  இனம் என  - கொடிய
போர் செய்யவல்ல பேய்களின் கூட்டம் என்னும் படியாகவும்; வன் தாள்
விரை புலி நிரை என - வலிய கால்களால் விரைந்து செல்லும் புலிக்
கூட்டங்கள் என்னும்படியாகவும்; விண்தோய், ஆளியின் அணி என -
வானத்தில் பாய்ந்து செல்லும் சிங்கங்களின் கூட்டம் என்னும்படியாகவும்;
அன்றேல், அலை கடல் விடம் என - அல்லாவிடில், கடலினின்றும்
தோன்றிய ஆலகால