அனுமன் விழுப்புண் படலும் வானவர்கள் மலர் மழை பொழிதலும் | 5538. | எய்த,எற்றின, எறிந்தன, ஈர்த்தன, இகலின்
பொய்த,குத்தின, பொதுத்தன, துளைத்தன,
போழ்ந்த,
கொய்த, சுற்றன,பற்றின, குடைந்தன, பொலிந்த
ஐயன் மல் பெரும்புயத்தன, புண் அளப்பு அரிதால். |
இகலில் -போரில்;எய்த எற்றின - (அவ்வரக்கர்கள்) அம்பு கொண்டு
வீசியவைகளாலும், தாக்கியவைகளாலும்; எறிந்தன ஈர்த்தன - வீசி
எறிந்தவைகளாலும் இழுத்தவைகளாலும்; பொய்த - சொரிந்தவைகளாலும்;
குத்தின பொதுத்தன - குத்தியவைகளாலும் உள் அழுத்தியவைகளாலும்;
துளைத்தன போழ்ந்த - துளைத்தனவற்றாலும் பிளந்தனவற்றாலும்; கொய்த
சுற்றின - பறித்தனவாலும் சுற்றினவாலும்; பற்றின குடைந்தன -
பிடித்தனவாலும் குடைந்தனவாலும்; பொலிந்த - விளங்கிய; ஐயன் மல்
பெரும் புயத்தன புண் அளப்பு அரிய - சிறப்புக்குரிய அனுமனது
வலிமையில் சிறந்து விளங்கும் பெரிய தோள்களில் உண்டான விழுப்புண்கள்
அளவிடமுடியாதனவாய் மிகுந்திருந்தன. வினை முற்றுகளைஅடுக்கிச் சந்த நயம் விளைதல் காண்க.
வருணனையில் சலிப்பு ஏற்படாமைக்கு இதுவும் ஓர் உத்தி. (50) | 5539. | கார்க் கருந் தடங் கடல்களும், மழை முகில்
கணனும்,
வேர்க்க, வெஞ்செரு விளைத்து எழும் வெள்
எயிற்று அரக்கர்
போர்க் குழாம்படி பூசலின், ஐயனைப் புகழ்வுற்று
ஆர்க்கும்விண்ணவர் அமலையே, உயர்ந்தது, அன்று
அமரில். |
கார் கரும் தடங்கடல்களும் - மிகக் கரிய பெரியகடல்களும்;
மழைமுகில் கணனும் - மழையைத் தருகின்ற மேகக் கூட்டங்களும்;
வேர்க்க -மனம் புழுங்கும்படி (பின்னடையும் படி); வெம் செரு விளைத்து
எழும் -கொடும் போரை உண்டாக்கி மேற் கொண்டு பற்களை உடைய
அரக்கர்களின்போர்க்கூட்டங்களில்; படி பூசலின் - தோன்றுகின்ற ஒலியை
விட;விண்ணவர் - தேவர்கள்; |