பொழிவுபோல அந்தக்கொடிகள் விளங்கினவாம். படைக்கலங்களின் மிகுதியும்
நீட்டமும் குறிக்கப்பட்டன. மேகங்கள் சொரிவனபோல் கொடிகள் சொரிந்தன
என்பதும் மிகுதி குறித்த கற்பனையே. (7) | 5557. | பல்லியம்துவைப்ப, நல் மாப் பணிலங்கள் முரல,
பொன் தேர்ச்
சில்லிகள் இடிப்ப, வாசி சிரித்திட, செறி பொன்
தாரும்
வில்லும் நின்றுஇசைப்ப, யானை முழக்கம் விட்டு
ஆர்ப்ப, விண்தோய்
ஒல் ஒலி வானில்தேவர் உரை தெரிவு ஒழிக்க
மன்னோ; |
பல் இயம்துவைப்ப - பலவகை வாத்தியங்கள்ஒலிக்கவும்; நல்மாப்
பணிலங்கள் முரல - அழகிய பெரிய சங்குகள் முழங்கவும்; பொன்
தேர்ச்சில்லிகள் இடிப்ப - பொன் மயமான தேரின் சக்கரங்கள் (வேகமாக
உருள்வதால்) ஒலியை உண்டாக்கவும்; வாசி சிரித்திட - குதிரைகள் சிரிப்பன
போலக் கனைக்கவும்; செறி பொன்தாரும் வில்லும் நின்று இசைப்ப -
அடர்ந்த பொன்னால் அமைந்த கிண்கிணி மாலைகளும் வில்லும் நிலையாக
நின்று ஒலிக்கவும்; யானை முழக்கம் விட்டு ஆர்ப்ப - யானைகள்
பெருமுழக்கத்தை உண்டாக்கிப் பிளிறவும்; விண் தோய் ஒல் ஒலி -
(இவ்வாறு தோன்றி) ஆகாயத்தில் சென்ற ஒல் என்னும் ஒலிகள்; வானில்
தேவர் உரை தெரிவு ஒழிக்க - வானில் உள்ள தேவர்கள் பேசும்
வார்த்தைகளைத் தெரிந்து கொள்ள முடியாதபடி நீக்கி விடவும். ‘அன்னவன் சேனைசெல்ல’ என அடுத்த கவியைத் தொடரும். ஒல்
என்றது ஒலிக்குறிப்பு மன், ஓ. ஈற்றசைகள் (8) | 5558. | மின் நகுகிரிகள் யாவும் மேருவின் விளங்கித்
தோன்ற,
தொல் நகர்பிறவும் எல்லாம் பொலிந்தன, துறக்கம்
என்ன-
அன்னவன் சேனைசெல்ல, ஆர்கலி இலங்கை ஆய
பொன் நகர்தகர்ந்து, பொங்கி ஆர்த்து எழு தூளி
போர்ப்ப. |
|