தோள்களையும், சிறந்தஆயுதங்களையும் உடைய காலாட்படைப் பிரிவுகளின்
கணக்கு; அவற்றினுக்கு இரட்டி - அந்தக் குதிரைப் படைகளுக்கு இரு
மடங்காகும் (இரண்டு லட்சம்) பஞ்சசேனாபதியர் கொணர்ந்த நால்வகைப் படையின் எண்ணிக்கை
கூறியது. சூழி - யானைகளின் முகத்தில் அணியும் முகபடாம். பூட்கை -
யானை. பாழிதோள் - பெரியதோள். (11) | 5612. | கூய்த்தரும்தொறும், தரும்தொறும், தானை வெங்
குழுவின்
நீத்தம், வந்துவந்து, இயங்கிடும் இடன் இன்றி
நெருங்க,
காய்த்து அமைந்தவெங் கதிர்ப் படை, ஒன்று ஒன்று
கதுவி,
தேய்த்துஎழுந்தன, பொறிக் குலம், மழைக் குலம்
தீய. |
கூய்த்தரும்தொறும் தரும்தொறும் - படைத்தலைவர்கள் கூவி
அழைக்கும் போதெல்லாம்; வெம் தானைக் குழுவின் நீத்தம் - கொடிய
அச்சேனைக் கூட்டத்தின் பெருக்கம்; வந்து வந்து - மேன்மேலும் வந்து;
இயங்கிடும் இடன் இன்றி நெருங்க - அவை சஞ்சரிப்பதற்குப் போதிய
இடம் இல்லாமல் நெருங்கி நிற்க; காய்த்து அமைந்த வெம் கதிர்ப்படை -
உலைக் களத்தில் காய்ச்சிக் கூராக வடித்த கொடிய ஒளியுள்ள ஆயுதங்கள்;
ஒன்று ஒன்று கதுவி தேய்த்து - ஒன்றோடொன்று பற்றி உராய்ந்து,
தேய்த்தலினால்; (அவற்றில் உண்டான); பொறிக் குலம் மழைக்குலம் தீய
எழுந்தன - நெருப்புப் பொறிகளின் கூட்டம், மேகக்கூட்டங்களைச்
சுட்டெரிக்க மேற்கிளம்பிச் சென்றன. இது சேனாவீரர்களின் பெருக்கத்தையும், வீரர்கள் ஏந்திச் சென்ற
போர்ப்படைக் கருவிகளின் மிகுதியையும் குறிப்பிடுகின்றது. (12) | 5613. | பண் மணிக்குல யானையின் புடைதொறும் பரந்த
ஒண் மணிக் குலம்மழையிடை உரும் என ஒலிப்ப,
கண் மணிக் குலம்கனல் எனக் காந்துவ; கதுப்பின்
தண் மணிக் குலம்மழை எழும் கதிர் எனத்
தழைப்ப.* |
|