ஊக்கியபடைகளும் - அரக்கர்கள் தன்மீது செலுத்திய ஆயுதங்களும்;
உருத்த வீரரும் - கோபித்து வந்த வீரர்களும்; தாக்கிய பரிகளும் - வந்து
மோதிய குதிரைகளும்; தடுத்த தேர்களும் - தன்னைத் தடுத்து நின்ற
தேர்களும்; மேக்கு உயர் கொடி உடை - மேலே உயர்ந்த கொடிகளைக்
கொண்ட; மேக மாலை போல் நூக்கிய கரிகளும் - மேகங்களின் வரிசை
போன்றனவுமான (தன்மீது) செலுத்தப்பட்ட யானைகளும்; புரள நூக்கினான் -
(மண் மீது விழுந்து) புரண்டழியும் படி (அனுமன் எழுவைக் கொண்டு)
கொன்றான். அனுமன், தன்கையில் ஏந்திய எழுவைக்கொண்டு (இரும்புத் தூண்)
எதிரிகளின் ஆயுதம் முதலியவற்றை அழித்தது பற்றிக் கூறப்பட்டது. (33) | 5634. | வார் மதக்கரிகளின் கோடு வாங்கி, மாத்
தேர் படப்புடைக்கும்; அத் தேரின் சில்லியால்,
வீரரை உருட்டும்;அவ் வீரர் வாளினால்,
தாருடைப்புரவியைத் துணியத் தாக்குமால். |
வார் மதக்கரிகளின் - நீண்ட மத யானைகளின்;கோடு வாங்கி -
கொம்புகளை முறித்தெடுத்து; மாத்தேர் படப்புடைக்கும் - பெரிய தேர்கள்
அழிய அடிப்பான்; அத்தேரின் சில்லியால் வீரரை உருட்டும் -
அழிந்த தேர்களின் சக்கரங்களைக் கொண்டு, போர் வீரர்களை உருண்டு
விழச் செய்வான்; அவ்வீரர் வாளினால் - உருண்டு வீழ்ந்த அரக்கவீரரது
கைவாள்களைக் கொண்டு; தார் உடைப் புரவியை துணியத்தாக்கும் -
கிண்கிணி மாலை பூண்ட குதிரைகளைத் துணிபட்டு விழும்படி வெட்டுவான். அனுமன், தான்அழித்த பொருள்களையே ஆயுதங்களாகக் கொண்டு
அப்படைகளைக் கொன்றான் என்பதாம். அனுமன் இதேபோலப் போர்
செய்தை 5579 ஆம் பாடலிலும், அடுத்த 5635ஆம் பாடலிலும் காணலாம்.
(34) | 5635. | இரண்டுதேர் இரண்டு கைத்தலத்தும் ஏந்தி, வேறு
இரண்டு மால்யானை பட்டு உருள, எற்றுமால்;
இரண்டு மால்யானை கை இரண்டின் ஏந்தி, வேறு
இரண்டு பாலினும்வரும் பரியை எற்றுமால். |
|