சூழ்ந்தார் - எந்திரமுள்ளதேரின் மீது ஏறியவர்களாய், அக்க குமாரனைச்
சூழ்ந்து கொண்டு போருக்குச் சென்றனர். அக்ககுமாரனுடன்சென்ற நான்கு லட்சம் வீரர்களின் வகை
கூறப்பட்டது. மந்திரக் கிழவர் முதல்வராகக் கூறியவர் நால்வராதலால்,
ஒவ்வொருவகையினரின் குமாரரும் ஒவ்வொரு லட்சம் வீரர் என்க. அந்தரம் -
மேலுலகம், விண்ணுலகம். (10) | 5678. | தோமரம்,உலக்கை, சூலம், சுடர் மழு, குலிசம்,
தோட்டி,
ஏ மரு வரி வில்,வேல், கோல், ஈட்டி, வாள், எழு,
விட்டேறு,
மா மரம், வீசுபாசம், எழு முளை, வயிரத் தண்டு,
காமரு கணையம்,குந்தம், கப்பணம், கால நேமி |
தோமரம் -தண்டாயுதம்; உலக்கை, சூலம் - உலக்கைகள், திரி
சூலங்கள்; சுடர் மழு, குலிசம் - ஒளிவீசும் கோடாலிகள், வச்சிராயுதங்கள்;
தோட்டி - அங்குசங்கள்; ஏமரு வரி வில் - அம்பு பொருந்திய கட்டமைந்த
விற்கள்; வேல் கோல் - வேலாயுதங்கள் அம்புகள்; ஈட்டி, வாள் -
எறியீட்டிகள், வாள்கள்; எழு, விட்டேறு - இரும்புத்தடிகள், எறிகோல்கள்;
மாமரம் - பெரிய மரங்கள்; வீசு பாசம் - வீசுதற்குரிய கயிறுகள்; எழு
முளைவயிரத் தண்டு - பகைவர் மேல் எழுகிற வயிரத்தாலான
தண்டாயுதங்கள்; காமரு கணையம் குந்தம் - அழகு பொருந்தியவளைதடிகள்
குத்துக் கோல்கள்; கப்பணம் - யானை நெருஞ்சி முட்கள்; காலநேமி -
தவறாமல் கொல்லவல்ல சக்கராயுதங்கள்..... அடுத்த பாடலுடன்முடியும். அரக்க வீரர்கள் கொண்டு சென்ற
போர்க்கருவிகளின் வகைகள் கூறப்பட்டன. (11) | 5679. | என்று, இவைமுதல ஆய எறிதரு படைகள் ஈண்டி,
மின் திரண்டனையஆகி, வெயிலொடு நிலவு வீச,
துன்று இருந் தூளிபொங்கித் துறுதலால்,
இறுதிசெல்லாப்
பொன் திணிஉலகம் எல்லாம், பூதலம் ஆய மாதோ ! |
என்று இவை முதலஆய - என்று சொல்லப்படுகின்ற இவை முதலாக
உள்ள; எறிதரு படைகள் ஈண்டி - தாக்குதற்குரிய ஆயுதங்கள்
நெருங்கியதனால்; மின் திரண்ட அனைய ஆகி - |