பிறந்து விட்டான்என்று கூறும்படி; பெயர்ந்தான் - திரும்பி வந்தான்.

     அனுமன்அரக்கியின் வாயின் வழியில் வயிற்றில் புகுந்தான். அது கண்டு
அறம் அரற்றியது. தேவர்கள் வருந்தினர். அப்போது அனுமன் இமைப்பதன்
முன்பு பிறந்தான் என்று கூறும்படி திரும்பினான்.                  (82)

     கள்வாய் அரக்கி- கள்ஒழுகும் வாயை உடைய அங்கார தாரை; கதற- கூக்குரலிடும்படி (உடலைப் பிளந்து); வார்குடல் கொள் தடக்கையன்
-நீண்ட குடலைப் பற்றிய நீண்ட கையை உடைய அனுமன்; கணத்தில் -
ஒருநொடிக்குள்; விசும்பின்மிசை - ஆகாயத்தின்கண் சென்று; கொண்டான்
-சேர்ந்தான் (அந்த அனுமன்); முள்வாய் பொருப்பின் முழை -
முட்செடிகள்முளைத்த மலையின் குகையை; எய்தி - அடைந்து;
மிகநொய்தின் - மிகஎளிமையாக; உள்வாழ் அரக்கொடு - அந்த
மலைக்குள் வாழ்கின்றபாம்புகளை எடுத்துக்கொண்டு; எழு திண் - மேலே
பறந்து வந்தவலிமையான; கலுழன் ஒத்தான் - கருடனை ஒத்திருந்தான்.

     அங்கார தாரைமலை போன்றிருந்தாள். அவள் வாய் குகை
போன்றிருந்தது. அதில் நுழைந்து குடலுடன் வந்த அனுமன் மலைக் குகையில்
புகுந்த பாம்புடன் மேலே வந்த கருடனை ஒத்திருந்தான். உவமையணி - அரா
என்பது ‘அர’ எனக்குறுகி நின்றது.                             (83)

     சாகாவரத்தலைவரில் - இறவா வரம் பெற்றசிரஞ்சீவிகளில்; திலகம்
அன்னான் - திலகம் போன்ற அனுமன்; ஏகா - அரக்கியின் வயிற்றினுள்
சென்று; உடன் - விரைவில்; அரக்கி குடர்கொண்டு - அரக்கியின் குடலை
எடுத்துக்கொண்டு; எழுந்தான் - மேலே எழுந்தான்; (அவன்) மாகால்
விசைக்க - பெரிய காற்றடிக்க; வடம்மண்ணில் உற - கயிறானது மண்ணில்
இருக்க; வாலோடு -