சிலர் குறைகின்றார் -சிலஅரக்க வீரர்கள் இறந்தொழிந்தார்கள்; பலர்
உடல் குலைகின்றார் - மற்றும் பல அரக்கர்கள் உடல் நடுக்குற்றனராய்;
பின்றா நின்றனர் - பின்னிட்டுச் சென்றவராயினர்; உதிரப் பெருநிதி
பெருகாநின்றன - இரத்த பேராறுகள் பெருகத் தலைப்பட்டன; அருகு
நின்றார்ஆரும் நின்றிலர் - (அவ்வக்ககுமாரனுக்கு) அருகில் நின்றவர்கள்
எவரும்அங்கே நிற்க மாட்டாமல் அப்புறம் சென்று விட்டனர்; தனி
நின்றான் -(துணையின்றி) தனித்து நின்ற அக்ககுமாரனும்; ஒரு நேமித்
தேரொடும் -ஒப்பற்ற சக்கரங்களை உடைய தேரோடும்; அவன் நேரே
சென்றான் -அந்த அனுமனுக்கு எதிரே சென்றவனாகி; விழி எரி கின்றான்
-(கோபத்தால்) கண்கள் நெருப்பு எரிவது போல் விளங்க; வன் திறல்
அயில்வாய் அம்புகள் தெரிகின்றான் - மிக்க திறமை வாய்ந்த கூரிய
முனைகளைஉடைய அம்புகளை அனுமன் மீது தேர்ந்து விடுகின்றவனானான்.
                                                           (31)

     இந்திரசித்துக்கு இளையவன் உற்றான் - இந்திரசித்தனுக்குத்
தம்பியாகிய அந்த அக்ககுமாரனும் (அனுமனுக்கு) எதிரே வந்தடைந்தான்; ஒரு
நாளே பலர் உயிர் உண்ணக் கற்றானும் - ஒரு நாளிலேயே பல
லட்சக்கணக்கான வீரர் உயிர்களை அழிக்கப் பழகியவனான அனுமனும்;
முகம் எதிர் வைத்தான் - அவனுக்கு எதிர்முகமாய் நின்றான்; அது
கண்டார் விண்ணவர் - அந்நிலையைக் கண்ட தேவர்கள்; கசிவு உற்றார் -
மனம் இரங்கியவர்களாய்; மாருதி நிலை எற்றாம் - (இனி) அனுமனுடைய
நிலை யாது ஆகுமோ; என்பார் - என்று மனத்தில் துணுக்குக் கொண்டு
கூறுபவர்களாய்; இனி - இப்பொழுது; இமையா விழியினை இவை ஒன்றோ
பெற்றாம் - இமையாக்கண்களை உடைமையாகிற இந்த ஒரு சிறப்பைப்
பெற்றிருக்கின்ற நாங்கள்;