| 5701. | தேரில்சென்று, எதிர் கோல் கொள்வான் உயிர்
தின்றான்;அப் பொரு செறி திண் தேர்,
பாரில் சென்றது;பரி பட்டன; அவன்
வரி வில்சிந்திய பகழிக் கோல்,
மார்பில்சென்றன சில; பொன் தோளிடை
மறைவுற்றனசில; அறவோனும்,
நேரில் சென்று,அவன் வயிரக் குனி சிலை
பற்றிக்கொண்டு, எதிர் உற நின்றான். |
தேரில் சென்று -(பாய்ந்தஅனுமன்) தேரிலே நின்று; எதிர் கோல்
கொள்வான் உயிர் தின்றான் - எதிரேயுள்ள உளவுகோலைக் கையில்
கொண்டுள்ள சாரதியின் உயிரை அழித்தான்; அப் பொரு செறிதிண் தேர்
பாரில் சென்றது - (பின்னும் அனுமன் தனது கையால் நொறுக்கியதால்) அந்த
ஒப்பற்ற கெட்டியான வலிய தேர், (சின்னா பின்னப்பட்டு) தரையில் விழுந்து
விட்டது; பரிபட்டன - குதிரைகள் இறந்தன; அவன் வரிவில் சிந்தியு
பகழிக்கோல் சில - அந்த அக்ககுமாரன், தன் கட்டுகள் அமைந்த
வில்லினால்பொழிந்த அம்புகளில் சில; மார்பில் சென்றன - அனுமன்
மார்பில்பாய்ந்தன; சில பொன் தோளிடை மறைவுற்றன - மற்றும் சில
அம்புகள்அனுமனது பொன்போன்ற தோளின் மேல் பாய்ந்து மறைவுற்றன;
அறவோனும் - அறவோனாகிய அனுமனும்; நேரில் சென்று - நேராகப்
போய் நின்று; அவன் வயிரக் குனி சிலை பற்றிக்கொண்டு -
அக்ககுமாரனது வலிய வளைந்த வில்லைப் பிடுங்கிக் கொண்டு; எதிர் உற
நின்றான் - அவன் எதிரிலே நின்றான். பகழிக் கோல் -அம்பு. அறவன் என முன்னரும் (5512) அனுமன்
குறிக்கப்பட்டான். (34) | 5702. | ஒரு கையால்அவன் வயிரத் திண் சிலை
உற்றுப்பற்றலும், உரவோனும்,
இரு கையால் இவன்வலியாமுன்னம், அது
இற்றுஓடியது; இவர் பொன் தோளின்,
சுரிகையால் அவன்உருவிக் குத்தலும்,
அதனை,சொல் கொடு வரு தூதன்,
பொரு கையால்இடை பிதிர்வித்தான், முறி
பொறி ஓடும்படி பறியாவே. |
|