அனுமனுடைய அழகியநீண்டவால்; அவன் உடல் நிமிர் உற்று மீளாவகை
- அந்த அக்ககுமாரனுடைய உடல் மேற்கிளம்பி மீளாதபடி; புடை சுற்றிக்
கொண்டது - உடலின் எப்புறங்களிலும் சுற்றிப் பிணித்துக் கொண்டது; பற்
றிக்கொண்டனன் - இவ்வாறு பற்றிக் கொண்ட அனுமன்; மேல்
ஆனான் -(அவ்வரக்கனைக் கீழே தள்ளி அவன்) மேலே எழுந்து
உட்கார்ந்துகொண்டான்.                                      (36)

     பற்றிக்கொண்டவன் - (தன் வாலினாலேஅக்ககுமாரனைப்) பற்றிக்
கொண்டவனான அனுமன்; வடிவாள் என ஒளிர் பல் இற்று உக - கூரிய
வாள் போன்று விளங்குகின்ற பற்கள் உதிரும்படி; நிமிர் படர்கையால் எற்றி
- ஓங்கிய தன் அகன்ற கையினால் (கன்னத்தில்) அறைந்து; கொண்டலின்
இடை நின்று உமிழ் சுடர் இனமின் இனம் விழுவன என்ன -
மேகத்திடமிருந்து வருகின்ற ஒளி தங்கிய மின்னலின் கூட்டங்கள் கீழே
விழுகின்றன போல; குண்டலம் முதலாம் மணி இற்று உக - குண்டலம்
முதலிய ஆபரணங்களில் உள்ள இரத்தினங்கள் அழிந்து சிந்த; அரவு நால்
முழை இவர் குடர் நால - பாம்பு குகையிடத்து தொங்கல் போல
அவனுடைய குடல்கள் வெளியேதொங்க; கொற்றத்திண் சுவல் - வெற்றியைத்
தரும் வலிய மேடு போல் உயர்ந்த; வயிரக் கை கொடும் குத்தி -
உறுதியானதனது கையைக் கொண்டு அவனைக் குத்தி; ஒரு புடை குதி
கொண்டான் -ஒரு புறத்தே குதித்தான்.

     வயிறு குகைபோன்றது; சரிந்த குடல்கள் குகைவாயிலில் தொங்கும்
கொடிகள் போன்றன.                                          (37)