என்பதால் ‘மாருதிவாழ்ந்தான்’ என்றார் போலும். ஒன்றோ - வியப்புச்சொல்.
                                                      (22)

     வீறு உடை மாருதிமேல் வரு சேனை - வீர பராக்கிரமம்உடைய
அனுமன் மேல் வருகின்ற சேனையின் அளவு; பாறு எழு வாட்படை பத்து
இரு வெள்ளம் - போரிட எழுந்த வாள் படைகள் இருபது வெள்ளமாம்;
வேலின் அமைந்தார் - வேலாற் போர் செய்யும் படைஞர்; ஆறிரு கோடி
-பன்னிரண்டு கோடியர் ஆகும்; குந்தம் மிடைந்தது - குந்தப் படையால்
போரிடுபவர்; கூறிடு வெள்ளம் - சொல்லப்படும் வெள்ளம் என்னும்
அளவினை உடையவராவர்.

     ‘வெள்ளம்’ என்பது தமிழில் பேரெண்ணைக் குறிக்கும் சொல்.    (23)

     பந்து என ஆடியபாய் பரி எல்லாம் - பந்து போலத் துள்ளிக்
குதித்தாடும் பாய்கின்ற குதிரைகளும்; செறிந்த சிந்தையின் முந்தின தேர்கள்- நெருங்கினவாகிய மனத்தினும் வேகமாகச் செல்லும் தேர்களும்;
அந்தியின்மேனிய ஆனைகள் எல்லாம் - மாலைக்காலம் போல இருண்ட
கரியமேனியுடைய யானைகளும்; அடித்துகள் மண்ணை மாய்ப்ப வந்தன -
தம் பாதத்தூசி நிலவுலகத்தை மறைத்து இல்லாமல் செய்யும்படி வந்தன.  (24)