ஒன்றே அடையக்கூடியதாகும்; இன்றே சமையும் - (அவ்விரண்டில் ஒன்று)
இன்றைக்கே அமையும்; இவன் இந்திரசித்து என்பான் - இவன் இந்திரசித்து
என்பவனே ஆவான்.

     இந்திரசித்தின்வீரத்தைப் பற்றிக் கேள்வியுற்றதனாலும், பிராட்டியை
இலங்கையில் தேடியபோது இவனை மாளிகையில் கண்டதனாலும், வருபவன்
இந்திரசித்தே என்று அனுமன் தெளிந்தான்.                      (50)

     நறுங் கமழ்கண்ணி - மிக்க மணம் வீசுகின்ற மாலையை அணிந்த;
இக்கட்டேறு காளை - இந்த வீர வெறிகொண்ட காளை போல்வான்; என்
கைப்பட்டால் - என் கையால் இறந்தால்; அதுவே அவ் இராவணன் பாடும்
ஆகும் - அச்செயலே அந்த இராவணன் அழிவாகவும் முடியும்; ‘கெட்டேம்’
என எண்ணி - (ஆகவே இராவணன்) இனி நாம் தவறாமல் அழிவோம்
என்று நினைத்து; அக்கேடு அருங் கற்பினாளை விட்டு ஏகும் - அந்தக்
கெடுதல் இல்லாத கற்பினளான சீதா பிராட்டியை (இராமபிரானிடம்) கொண்டு
வந்து விட்டுச் செல்வான்; அது அன்றி - அதுவும் அல்லாமல்; அரக்கரும்
வெம்மை தீர்வார் - அரக்கர்களும் தமது செருக்கு அடங்கிக் கொடுமை
ஒழிவார்கள்.

     இந்திரசித்துஅழிந்தால் இராவணன் அழிவான். இராவணன் வலிமைக்கு
இந்திரசித்தே மூலமாவான் என்பது அனுமன் கருத்து.                (51)