ஒண்மையானை -ஒளியுற்றஇந்த இந்திரசித்தை; கொன்றேன் எனின்
- நான் கொன்றேன் என்றால்; இதனால் வரும் ஊதியம் ஒன்றோ - இந்தச்
செயலால் விளையக்கூடிய நன்மை ஒன்று தானோ !; இந்திரனும் துயர்
கோளும் நீங்கும் அரக்கர் இலங்கை இன்றே கடி கெட்டது - இந்திரனும்
துயர் கொண்டிருத்தலை நீங்கும் அரக்கர்களுடைய இலங்கை நகரம் இன்றே
காவல் ஒழிந்ததாம்; அவ் இராவணன் தன்னையும் வேரொடு யானே
வென்றேன் - அந்த இராவணனையும் வேரோடு நானேவென்றவனாவேன்;
என்றான் - என்று (அனுமன்) எண்ணினான்.

     இந்திரசித்தின்அழிவினால் ஏற்படும் நன்மைகளை அனுமன்
எண்ணினான் என்பதாம். ஒண்மை - ஒளி; ஒளி - தான் உளனாய காலத்து
மிக்குத் தோன்றுதலுடைமை.                                 (52)

அரக்கர் படையுடன்அனுமன் பொருதல்

     அக்காலை -இவ்வாறுஅனுமான் எண்ணிக் கொண்டு நின்றபொழுது;
உலகம் ஒரு மூன்றையும் முக்கால் வென்று - மூன்று உலகங்களையும்
(ஒருமுறைக்கு) மூன்று முறையாக வென்று; முற்றி புக்கானின் முன்புக்கு -
எதிரில்லாமல் முடித்து இலங்கையில் வெற்றி வீரனாய்ப் புகுந்த இந்திரசித்துக்கு
முன்னே வந்து; அரக்கரும், யானையும் தேரும், மாவும் - அரக்கர்களாகிய
காலாட்படையும், யானை, தேர், குதிரை ஆகிய படைகளும்; உயர் பூசல்
பெருக்கும் வேலை - மிக்க ஆரவாரத்தைப் பெரிதும் உண்டாக்கிய
வேளையில்; மிக்கானும் - பெரியோனான அனுமனும்; வெகுண்டு ஓர்
மராமரம் கொண்டு - சினம் கொண்டு,