தேர்க்குலம் அச்சுஇற்று ஒடிந்த - சில தேர்க்கூட்டங்கள்அச்சு முறிந்து
ஒடியப் பெற்றன; தேர்க்குலம் உக்கன - சில தேர்க் கூட்டங்கள் பொடியாய்
உதிர்ந்தன; தேர்க்குலம் நெக்கு படிந்த - சில தேர்க்கூட்டங்கள் சிதைந்து
கீழே விழுந்தன; தேர்க்குலம் படியில் பறிந்தன - சில தேர்க்கூட்டங்கள்
தரையில் சாய்ந்தன. இந்திரசித்தின்தேர்ப்படைகள் பலவாறு அழிந்தமை கூறப்பட்டது. (55) | 5772. | சிரன்நெரிந்தவும், கண் மணி சிதைந்தவும், செறி
தாள்
தரன்நெரிந்தவும், முதுகு இறச் சாய்ந்தவும், தார்
பூண்
உரன்நெரிந்தவும், உதிரங்கள் உமிழ்ந்தவும், ஒளிர்
பொற்
குரன்நெரிந்தவும், கொடுங் கழுத்து ஒடிந்தவும்-
குதிரை. |
குதிரை சிரம்நெரிந்தவும் - (அனுமனால்அழிக்கப்பட்டு) குதிரைகள்
தலை நொறுங்கிப் போயவையும்; கண்மணி சிதைந்தவும் - கண்களின்
கருவிழிகள் சிதையப் பெற்றவையும்; செறிதாள்தரன் நெரிந்தவும் - வலிமை
மிக்க கால்களின் தொகுதி நொறுங்கப் பெற்றவையும்; முதுகு இற சாய்ந்தவும்
- முதுகு ஒடியக் கீழே சாய்ந்தவையும்; தார் பூண் உரன் நெரிந்தவும் -
கிண்கிணி மாலை அணிந்த மார்பு நொறுங்கப் பெற்றவையும்; உதிரங்கள்
உமிழ்ந்தவும் - இரத்தப் பெருக்குகளைக் கக்கியவையும்; ஒளிர் பொன்
குரன்நெரிந்தவும் - பிரகாசமான பொற் சதங்கையை அணிந்த கால்
குளம்புகள்நொறுங்கப் பெற்றவையும்; கொடும் கழுத்து ஒடிந்தவும் -
வளைந்தகழுத்துக்கள் ஒடிந்தவையும் (ஆயின).
குதிரைப் படைஅழிந்தமை கூறப்பட்டது. (56) | 5773. | பிடியுண்டார்களும், பிளத்தலுண்டார்களும், பெருந்
தோள்
ஒடியுண்டார்களும்,தலை உடைந்தார்களும், உருவக்
கடியுண்டார்களும்,கழுத்து இழந்தார்களும், கரத்தால்
அடியுண்டார்களும்,அச்சமுண்டார்களும்-அரக்கர். |
|