கோளுக்கு எல்லையும் -அரக்கர்களாய் உலகத்தை வருத்தும் உங்கள்
கொள்கைக்கு ஒரு முடிவும்; கொடும் தொழிற்கு எல்லையும் - உங்கள்
கொடிய செய்கைகளாகிய பாவத்திற்கு ஒரு முடிவும்; வாளுக்கு எல்லையும்
வந்தன - உங்கள் வாள் முதலிய படைக்கலங்களுக்கு ஒரு முடிவும் இப்போது
வந்துவிட்டன; வகை கொண்டு வந்தேன் - அதற்குரிய உபாயங்கொண்டு
இங்கேயான் வந்துள்ளேன்; தோளுக்கு எல்லை ஒன்று இல்லை - (ஆனால்)
என் தோளாற்றலுக்கு முடிவு சிறிதும் உண்டாகாது; என்று, அனுமனும்
சொன்னான் - இவ்வாறு அனுமனும் இந்திரசித்துக்கு மறுமொழி கூறினான்.
                                                          (64)

     இந்திரன்பகைஞன்  - (அது கேட்டு)இந்திரசித்து; ‘இ சிரத்தையை
தொலைப்பென்’என்று - (இந்தக் குரங்கின்) இந்த நம்பிக்கையை
அழித்துவிடுவேன்’ என்று கருதி; அச்சிரத்தினும் மார்பினும் - அந்த
அனுமனுடைய தலையிலும் மார்பிலும்; பச்சு இரத்தம் வந்து ஒழுகிட - புதிய
இரத்தம் வந்து ஒழுகும்படியும்; வானவர் பதைப்ப - (அது கண்டு) தேவர்கள்
துடிக்கும்படியாகவும்; வச்சிரத்தினும் வலியன வயிரவான் கணைகள் -
வச்சிராயுதத்தைக் காட்டிலும் வலிமை உடையனவான கூர்மையான பெரிய
அம்புகளை; அழுத்தலும் - அழுந்த எய்த போது; அனுமன் - ,

     நெடுஞ்சினங் கொண்டுநிமிர்ந்தான் என அடுத்த கவியோடு முடியும். 
                                                     (65)