கொற்றமாருதி - வெற்றியை உடைய அனுமன்; உற்ற உரத்து
அடங்கின வாளிகள் - வந்து பட்டவையாய் மார்பில் பதிந்தவைகளான
(இந்திரசித்தின்) அம்புகள் அனைத்தும்; உக உதறா - கீழே சிந்தும்படி
உதறித் தள்ளிவிட்டு; அவன் தேர் மிசை குதித்து - இந்திரசித்துவின்
தேரின்மேல் எழும்பிப் பாய்ந்து; உலகு எலாம் பல கால் முற்றி வென்ற
போர்மூரி வெம் சிலையினை -  உலகும் யாவையும் பல முறை முழுவதும்
வென்றதான போரில் சிறந்த அவனது வலிய வில்லினை; வன் கையால் பற்றி
- தனது வலிய கையினால் பிடித்து; பறித்து எழுந்து முறித்தான் -பிடுங்கிக்
கொண்டு வெளியே வந்து ஒடித்தெறித்துவிட்டான்.

      அனுமன் ஆற்றல்கூறப்பட்டது.                           (70)

     முறிந்தவில்லின் வல் ஓசை போய் முடிவதன் முன்னர் -
ஒடிபட்டஅந்த வில்லி்ன் வலிய ஓசை அடங்குவதற்கு முன்னே, (இந்திரசித்து);
போரிடை மறிந்து வழிக் கொள்வான் - போரை மீண்டும் தொடர வேண்டி;
வயிர வாள் படையால் - வச்சிராயுதம் என்னும் வாளால்; செறிந்த வான்
பெரு மலைகளை - அடர்ந்த மிகப்பெரிய மலைகளை; சிறகு அற செயிரா
எறிந்த இந்திரன் - இறகுகள் அற்றுப் போகும் படி சினங் கொண்டு
துணித்தவனான தேவேந்திரன்; இட்ட வான்சிலையினை எடுத்தான் -
திறையாகக் கொடுத்த பெரிய வில்லைக் கையில் எடுத்துக் கொண்டான்.

     அந்த வில்ஒடிந்தவுடனே வேறு ஒரு வில்லை எடுத்துக் கொண்டான்
இந்திரசித்து. அது, இந்திரன் தனது தோல்விக்குப் பிறகு, திறையாக
இந்திரசித்துக்குக் கொடுத்தது.                                 (71)