கொண்டு -அவ்வாறுபிரம்மாத்திரத்தைக் கையில் கொண்டு;
கொற்றவெம் சிலை நெடு நாணொடு கூட்டி - அதை, தனது வலிய கொடிய
வில்லி்ன் நீண்ட நாணோடு சேர்த்து; சண்ட வேகத்த மாருதி தோளொடு
சாத்தி - கொடிய வேகமுடைய அனுமனது தோள்களை இலக்காகக்
குறிவைத்து; மண் துளங்கிட - பூமி நடு்ங்க; மாதிரம் துளங்கிட - திசைகள்
நடுங்க; மதிதோய் விண் துளங்கிட - சந்திரன் தங்கிய வானம் நடுங்கிட;
மேருவும் துளங்கிட - மேரு மலையும் நடுக்கம் கொள்ள; விட்டான் -
அதனைத் தூண்டி விட்டான்.

     இந்திரசித்துதெய்வத்தன்மையுள்ள பிரம்மாத்திரத்தை, அனுமனுடைய
தோள்களைக் கட்டுமாறு மந்திரம் கூறி விட்டனன் என்க. மேருவும்; உம்மை
உயர்வு சிறப்பினது. பிரம்மாத்திரத்தி்ன் வலிமை இச்செய்யுளில்
தெரிவிக்கப்பட்டது.                                        (81)

அயன் படைக்குஅடங்கிய அனுமனிடம் இந்திரசித்து வருதல்

     தணிப்பு அரும் -எவராலும் அடக்குதற்கு அரியதான; பெரும்
படைக்கலம் - பெரிய அந்த அத்திரமானது; தழல் உமிழ் தறுகண் - கனல்
வீசும் கொடுமை வாய்ந்த; பணி குலங்களுக்கு அரசினது உருவினை பற்றி
- பாம்புக் கூட்டங்களுக்கு அரசனுடைய வடிவத்தை ஏற்றுக் கொண்டு;
துணிக்க உற்று உயர் கலுழனும் - அதனைத் துண்டிக்க வந்த உயர எழும்
கருடனும்; துணுக்குற - அஞ்சும்படி; அப் பெரு மாருதி தோள்களை
பிறங்க சுற்றி பிணித்தது - அந்தப் பெரிய அனுமன் தோள்களை நன்றாகச்
சுற்றிக் கொண்டு கட்டிவிட்டது.