வஞ்சனை உடையஇராக்கதனால்; பற்றுண்டாய் - சிறைப்படுத்தப் பெற்றாய்;
அறப்பான்மை இதுவோ - அறத்தின் இயல்பு இதுதானோ ?

     ‘சகல கலைகளையும்கற்ற நீ, ஒரு கள்ள அரக்கனால் கட்டுண்டாயே’
என்று அனுமனைப் பாராட்டி வருந்தினாள் பிராட்டி. ஆற்றலும் அறிவும்
பெற்றவர்கள் நன்மை அடைதல்தான் அறத்தின் பான்மை. இங்கு, அதற்கு நேர்
மாறான பயன் ஏற்பட்டுள்ளதால் அறத்தின் பான்மையோ ! என்று சீதா
பிராட்டி ஐயமுற்றாள் என்க.                                  (32)

     நீ கடர் கடந்துபுகுந்தனை - நீ, கடலைக் கடந்துஇங்கு வந்தாய்;
கண்டகர் உடர் கடந்தும் - முள் போன்று கொடியவர்களான பல
அரக்கர்களுடைய உடம்பின் வலிமையை அழித்து வெற்றி கொண்டு நின்றும்;
நின் ஊழி கடந்திலை - உனது வாழ்நாள் ஒழியப் பெற்றிலை (இவ்வாறு);
அடர் கடந்த திரள் புயத்து ஐய ! - பகைவர் வலிமையை வென்ற பருத்த
தோள்களை உடைய ஐயனே ! (நீ அரக்கர்கள் கையில் சிக்கியதனால்); வந்து
இடர் மேலும் இடர்கள் தந்தனை - (கிட்கிந்தையினின்று) இங்கு வந்து
எனக்குத் துன்பத்தின் மேலும் துன்பங்களை உண்டாக்கியவனானாய்.

     இராமபிரானைப்பிரிந்ததனாலான துன்பத்தின் மேலும், இராம தூதன்
பகைவர் கையில் கட்டுண்டதனாலான துன்பம் சேர்ந்து மேன்மேலும்
வருத்துதலால் ‘வந்து இடர்கள் மேலும் இடர் தந்தனை என்று பிராட்டி கூறி
வருந்தினாள்.                                            (33)

     ஆழிகாட்டி -இராமபிரானது கணையாழியை யான் காணுமாறு
கொண்டுவந்து கொடுத்து; என் ஆருயிர்