இராவணன்தங்கியிருந்த அரண்மனைக்கு, இந்திரசித்து, அனுமனைக்
கட்டிய நிலையில் கொண்டு சென்றான் என்பதாம். முகுந்தன் - சமர்த்தன்;
திறமை வாய்ந்தவன். முருந்து - பறவைகளின் வலிய அடிக் குருத்து.
பறவையின் அடிக்குருத்து போன்று, இராவணனுக்கு உதவுபவன் இந்திரசித்து
என்பது கருத்து.                                             (37) 

கலிநிலைத்துறை

     அலங்கல்வெண்குடை - முத்து முதலியமணிச்சரங்கள் அசையப்
பெற்ற வெண் கொற்றக் குடையானது; தலங்கள் மூன்றிற்கும் பிறிது ஒரு
மதி<தழைத்து என்ன - மூவுலகங்களுக்கும் ஒளி வீசும் படி, வேறு ஒரு
சந்திரன்சிறந்து விளங்குவது போல; தண் நிழல் அவிர் ஒளி பரப்ப -
குளிர்ச்சியானநிழலையும் விளங்குகின்ற ஒளியையும் பரவச் செய்யவும்; வலம்
கொள்தோளினால் - தன் வலிமை கொண்ட தோள்களால்; மண் நின்று
வான் உறஎடுத்த - தரையிலிருந்து ஆகாயத்தை அளாவுமாறு மேலே
தூக்கிய; பொலம்கொள் மாமணி வெள்ளியம் குன்று என பொலிய -
அழகு கொண்டபெரிய சிறந்த கயிலையங் கிரியாகிய  வெள்ளி மலைபோல,
விளங்கவும்.

     ‘இருந்த’ என(55வது பாடல்) முடியும்.  குடைக்கு மதியும்,
வெள்ளியங்கிரியும் உவமைகளாகக் கூறப்பட்டன.                   (38)

     புள் உயர்த்தவன்திகிரியும் - கருடப் பறவை விளங்க
உயர்த்தப்பெற்றகொடியை உடைய திருமாலினது சக்கராயுதமும்; புரந்தன்
அயிலும் -இந்திரனது வச்சிராயுதமும்; தள் இல்