மேகங்கள்முழுகும்படி எழுந்த தீச்சுடர், பொன் மயமான அமராவதி
நகரை எரிக்க, அது உருகியது. உருகிய பொன் ஒழுக்கு, மரத்தின் வேர்கள்
போன்று விளங்கிற்று என்பதாம்.                              (20)

     மீமிசை நெருக்கிஓங்கும் நெருப்பு அழல் - மேன்மேலும்
திண்ணியதாக ஓங்கிய நெருப்பின் வெம்மை; செருக்கும் வெண் கதிர்
திங்களை - களிப்பைத் தரும் வெண்மையான கிரணங்களை உடைய
சந்திரனை; சென்று உற உருக்க - சென்று அடைந்து நன்றாக உருகச் செய்ய,
(அதனால்); மெய்யின் அமுதம் -  அச்சந்திரனின் உடலிலிருந்து;
உகுத்தலால் - அமிர்தம் சிந்துவதால்; அரக்கர் சிலரும் - இறந்த அரக்கரில்
சில பேரும்; ஆவி பெற்றார் - உயிர் பெற்றார்கள்.

     நெருப்பு, சந்திரமண்டலம் சென்று தாக்கியதனால், உருகிய
அமிர்தத்துளி பட்டு, நெருப்பில் வெந்து இறந்த அரக்கர்களில் சிலரும் உயிர்
பெற்று எழுந்தனர் என்பதாம்.                                (21)

     பருதி பற்றிநிமிர்ந்து எழு பைங்கனல் - சூரிய மண்டலத்தை
அளாவிஉயர்ந்து எழுந்த அந்தப் புதிய நெருப்பின் வெம்மையால்; எழு கார்
மழைமுற்றும் எரிந்து கருகி - வானத்தில் செல்லுகின்ற காள மேகங்கள்
முழுவதும்வெந்து கருகி; அருகு சுற்றும் இருந்தை அது ஆய் -
பக்கங்களில்சூழ்ந்திருந்த கரியைப் போல விளங்க; ஒள் கதிர் அதின் உருகு
பொன்திரள் ஒத்தன - ஒளி தங்கிய சூரியன், அக்கரித்தொகுதியினிடையே
உருகுகின்ற பொற் கட்டியைப் போலத் தோன்றினான்.

     சூரியனிடத்துஉள்ள நெருப்பினும் வேறுபட்டது அனுமன் இலங்கையில்
இட்ட நெருப்பு. அதனால் ‘பைங்கனல்’ எனப்பட்டது, சென்ற பாடலும், இதுவும்
சந்திரன் இருப்பதையும் சூரியன் தோற்றத்