புகை சூழ்ந்த பின்னர்,இயற்கையாக வெண்ணிறமாய் உள்ள சிறந்தவை
அனைத்தும் கருநிறத்ததாயின என்பதாம்.                        (32)

கனலுக்குப் பயந்துகடலில் வீழ்தல்

     கரிந்து சிந்திடகடுங்கனல் தொடர்ந்து உடல் கதுவ - கருகி
உதிர்ந்து போகும்படி கொடிய நெருப்பு தொடர்ந்து அரக்கர்களது உடல்களைப்
பற்றலும்; உரிந்த மெய்யினர் ஓடினர் நீரிடை ஒளிப்பார் - (அதனால்)
தோல் உரியப் பெற்ற உடலினராய் ஓடிப் போய் (வெப்பம் தணிவதற்காக)
கடல் நீரில் முழ்கி மறைந்து கொண்டவர்களாயினர்; விரிந்த கூந்தலும்
குஞ்சியும் மிடைதலின் - (அரக்கரின் பெண்டிர் ஆடவர் என்ற
இருபாலாரின்) விரிந்த தலைமயிரும் (அக்கடலில்) மிகுந்து நிறைந்தமையால்;
எறி திரை பரவை தாமும் எரிந்து வேகின்ற ஒத்தன - வீசும் அலைகளை
உடைய கடல்களும் தீப்பட்டு, வேகின்றவை போன்றன.

    அரக்கர்களின்தலைமயிர் செம்பட்டையாதலின், கடற்பரப்பில் அவை
நெருங்கித் தோன்றியது. கடல் தீப்பற்றியது போல் காணப்பட்டது என்பது
கற்பனை.                                              (33)

     மருங்கின் மேல்ஒரு மகவு கொண்டு - இடையில் ஒரு குழந்தையை
வைத்துக் கொண்டு; ஒரு தனி மகவை அரும் கையால் பற்றி - மற்றொரு
சிறு குழந்தையை தன் அரிய கையால் பற்றிக் கொண்டு; மற்றொரு மகவு
பின்அரற்ற - வேறொரு குழந்தை பின்னே அழுது கொண்டு வர;
அரக்கியர் -அரக்கிமார்கள்; நெருங்கினாரொடு - நெருங்கிய
சுற்றத்தினரோடு; நீங்கி -தமது இடம் விட்டுச் சென்று, நெறி குழல் சுறுக்
கொள - நெறித்த