வேகமாகச் செல்லும்வலிமை உடையது அல்ல ! ஆகையால்; தலைமகன்
மெலிவு தீர நீ முன்னர் போது என்றார் - தலைவனான இராமபிரானது
துன்பம் நீங்க, நீ முன்னதாக, அப்பெருமானிடம் போவாயாக என்று வானர
வீரர் கூறினார்கள்; நன்று என அனுமன் போனான் - ‘நல்லது’ என்று
சொல்லிவிட்டு இராமபிரான் இருக்கும் இடம் நோக்கி அனுமன் சென்றான்.

     ஏத நாள் -பிராட்டியைத் தேடி வரும் காரணமாகக் குறிக்கப்பட்ட நாள்;
அது ஒரு மாதத் தவணை; ‘ஒரு மதி முற்றுறாத முன் முற்றுதி்ர்’ (கம்ப. 4457)
குறிப்பிட்ட நாள் கடந்தமையால், தமது அரசன் சுக்கிரீவன் தண்டிப்பானே
என்பது, சேனையின் வருத்தம். சாதல் தீர்த்து அளித்தல் - சேனை சாகத்
துணிந்தது. ‘மாண்டுறுவது நலம் என வலித் தனம்’. (கம்ப. 4658) அனுமன்,
இராமபிரானிடம் விரைவில் செல்ல வேண்டியதைக் காரணத்துடன் வானர
வீரர்கள் கூறியதைத் தெரிவிப்பது இது.                         (12)

     வித்தகத் தூதன்- சதுரப்பாடுடைய தூதனாகிய அனுமன்; முத்தலை
எஃகினாற்கும் - மூன்று தலைகளை உடைய சூலாயுதம் ஏந்திய
சிவபிரானுக்கும்; முடிப்ப அரும் கருமம் முற்றி - செய்து முடிப்பதற்கு
அருமையான காரியத்தை நிறைவேற்றி; மீண்டது இறுதியாய் - திரும்பி
வந்தது முடிவாக; அத்தலை விளைந்த தன்மை அறிந்த எல்லாம்
அறைந்தனம் - அங்கு நிகழ்ந்த செயல்களை தெரிந்த வரையிலும்,
சொன்னோம்; இத்தலை ஆழியான் மாட்டு நிகழ்ந்த எல்லாம் - இனி,
இவ்விடத்தில் (கிட்கிந்தையில்) இராமபிரானிடத்தில் நடந்தனவற்றை எல்லாம்;
இயம்புவான் எடுத்துக் கொண்டாம் - சொல்வதற்குத் தொடங்கினோம்.

     இக்கவிதை,கவிக் கூற்று, முத்தலை எஃகினாற்கும் முடிப்பரும் கருமம்:-
இலங்கையை எரியூட்டுதல். செயற்கரும் காரியம்