சீதா பிராட்டிகற்புத் திண்மையுடன் இலங்கையில் இருக்கின்றாள் என்ற
உண்மையை, இராமபிரான் முதலில் அறிந்து கொள்வதற்காக, அனுமன் தென்
திசை நோக்கி வணங்கி, வாழ்த்தினான் என்க. மொய் - வலிமை; சீதை,
திருமகளின் அவதாரம் என்பதை முளரி நீங்கிய தையல்’ என்ற தொடர்
காட்டுகின்றது.                                              (22)

செய்தி உணர்ந்தஇராமபிரான் மகிழ்தல்

     குறிப்பினால்உணரும் கொள்கையான் - அவயவங்களின்குறிப்பைக்
கொண்டு நடந்ததை நன்கு உணர்ந்து கொள்ளும் நுண்ணறிவினனான
இராமபிரான்; திண் திறல் அவன் செயல் தெரிய நோக்கினான் - மிக்க
வலிமை உடைய அந்த அனுமனது செய்கையை நன்றாகப் பார்த்து அறிந்து;
வண்டு உறை ஓதியும் வலியள் - வண்டுகள் தங்கும் கூந்தலை உடைய
பிராட்டியும் நன்னிலையில் உறுதியுடன் இருக்கின்றாள்; இவன் கண்டதும்
உண்டு - இவ்வனுமன் அவளை நேரில் பார்த்து வந்ததும் உண்டு; அவள்
கற்பும் நன்று என கொண்டனன் - அவளது கற்பும்
சிறப்புடையதாயிருக்கின்றது என்று ஊகித்துக் கொண்டான்.

      அனுமன் தென் திசைநோக்கித் தொழுத செய்கையிலிருந்து, இராமபிரான்உணர்ந்து கொண்ட பிராட்டியின் நிலை பற்றிப் பேசப்பட்டது
என்க.                                                    (23) 

     ஆங்கு அவன்செய்கையே - (இராமபிரான்)அவ்விடத்தில் அனுமன்
செய்த குறிப்பான செயலே; அளவை ஆம் எனா - பிராட்டியின்
நன்னிலையை அறிந்து கொள்வதற்கு அளவு கருவியாகும் என்று; ஓங்கிய
உணர்வினால் விளைந்தது உன்னினான் - சிறந்த (தனது குறிப்பறியவல்ல)
அறிவினால் அங்கு