முட்டை கீண்டிலது -பிரமன்படைத்த உலகம், பிளந்து போகவில்லை;
அனந்தன் உச்சி கிழிந்திலது - ஆதிசேடனது தலைகளோடு கூடிய படம்
கிழிந்து போகவில்லை; வேலை எழுந்து மீண்டில - கடல்கள் பொங்கி மேல்
வந்தனவில்லை; சுடர்கள் யாவும் விழுந்தில - சூரியன் சந்திரன் முதலிய
ஒளியுள்ள நட்சத்திரங்கள் யாவும் கீழே விழுந்து அழியவில்லை; வேதம்
செய்கை மாண்டிலது - வேதங்களும் அவற்றில் கூறப்பட்டுள்ள
ஒழுக்கங்களும் அழிந்தனவல்ல; என்னும் தன்மை வாய்மையால் உணர்தி -
என்கின்ற இத்தன்மை மெய்யாயிருத்தலை நோக்கி, (அதனால்) உணர்வாயாக. வாய்மை,வாய்மையால் உணர்தி’ என இயையும், இராவணன்
பிராட்டியைத் தீண்டிலன் என்னும் வாய்மை கடல்கள் எழுந்து பொங்காமை
முதலியவற்றால் அறியக்கிடக்கும். பிராட்டியின் புனிதத் தன்மையால்தான்,
இயற்கை நிகழ்ச்சிகள் மாறுபடாமல் நிற்கின்றன என்று கூறப்பட்டது. (33) | 6040. | ‘சோகத்தாள் ஆய நங்கை கற்பினால், தொழுதற்கு
ஒத்த
மாகத்தார்தேவிமாரும், வான் சிறப்பு உற்றார்;
மற்றைப்
பாகத்தாள்,இப்போது ஈசன் மகுடத்தாள்;
பதுமத்தாளும்,
ஆகத்தாள்அல்லள், மாயன் ஆயிரம் மௌலி
மேலாள். |
சோகத்தாள் ஆயநங்கை - (உன்னைப் பிரிந்த பெரும்) துக்கத்தை
உடையவளான பிராட்டியின்; கற்பினால் மாகத்தார் தேவி மாரும் - கற்பின்
சிறப்பால், வானில் உள்ள தேவர்களி்ன் மனைவிமார்களும்; தொழுதற்கு ஒத்த
வான் சிறப்பு உற்றார் - யாவரும் வணங்குவதற்கு ஏற்ற பெரும்சிறப்பை
அடைந்தார்; மற்றை ஈசன் பாகத்தாள் இப்போது மகுடத்தாள் -
அதுவல்லாமல் சிவபிரானது உடம்பின் ஒரு பாகத்தில் இருக்கும் உமாதேவி,
இந்த சமயத்தில் அப்பெருமானது தலைமேல் இருக்கும் சிறப்பினை
உடையவளானாள்; பது மத்தாளும் - தாமரை மலரில் வீற்றிருக்கும்
திருமகளும்; மாயன் ஆகத்தாள் அல்லன் - இனித் திருமாலின் திருமார்பில்
வீற்றிருக்கத் தக்கவள் அல்லள் |