'இனிது அன்றோ' குறிப்பு மொழியாக இகழத்தக்கது என்னும்
பொருள் தந்து நின்றது.
  

நீரும்   நிலனும், நெடிய காலும், நிமிர் வானும் - நீரும்,
நிலமும்   நெடிது   வீசும்   காற்றும் நிமிர்ந்துயர்ந்த ஆகாயமும்
ஆகிய  பஞ்ச   பூதங்களுடனே;பேர்  உலகு யாவும் - மிகப்
பெரிதான உலகங்கள் யாவையும்;ஒரு நாள் புடைபெயர்த்தே -
ஒரே நாளில் நிலைமாற்றி; யாரும் ஒழியாமை -  எவரும் தப்பி
விடாதபடி;நரர்  வானரரை எல்லாம் - மனிதர்கள் குரங்குகள்
எல்லாவற்றையும்;வேரும் ஒழியாத வகை - வேரும் கூட தப்பி
விடாதபடி;வென்று அலது மீளேன் - வென்று அல்லது மீண்டு
வரமாட்டேன்;
 

நிமிர்தல்-உயர்தல். வேருடன்-அடியோடு.
 

(64)
 

வீடணன் இந்திர சித்தைக் கடிந்து கூறுதல்
 

என்று   அடி   இறைஞ்சினன்  - என்று கூறி இராவணனது
பாதங்களில் வீழ்ந்து   வணங்கிப்பின்; எழுந்து -   எழுந்து நின்று;
(இராவணனைப் பார்த்து)வன்திறலினாய்- மிக்க வலிமை  உடைய
எந்தையே!விடை ஈமோ - எனக்கு விடை தருக; எனலும் -  என
இந்திரசித்து கூறி நிற்க; நனி  தீவினையை  எல்லாம் -  மிகுந்த
தீவினைகள் அனைத்தையும்; வென்றவரின் நன்றுணரும் - தங்கள்
தவ பலத்தாலே வென்ற முனிவர்களைவிடவும் நன்மையை உணர்ந்த;
வீடணன் - வீடணன்  என்னும்  பெயருடையவனான இராவணனது
தம்பி;வாள் எயிறு  வாயில்  தின்றனன் - பற்களால் உதட்டைக்
கடித்தவனாக;முனிந்து  - இந்திர சித்தைக் கோபித்து;விளம்பும் -
பின்வருமாறு கூறலானான்;