தோற்றது. அச்சாபத்தை நிறைவேற்றிவிட்டது என்பதை நினைவுபடுத்தி
வீடணன் இராவணனைத் தெருட்டுகிறான்.
  

தீயிடைக்  குளித்த  -   நெருப்பிலே    மூழ்கி   உயிர்துறந்த;
அத்தெய்வக் கற்பினாள் - அந்த  தெய்வீகக்  கற்புடைய வேதவதி;
வாயிடை  மொழிந்த  சொல்  -  வாயால்  கூறிய  சாபமொழிகள்;
மறுக்க  வல்லமோ - மறுக்கும் வல்லமை  உடையேமோ?  உனக்கு
நான்  நோய் - 'நான் உனக்கு நோயாவேன்';என நுவன்றுளாள் -
என்று   கூறியுள்ளாள்;  அவள்  ஆயவள்  சீதை  - அவளேதான்
சீதை;  பண்டு  அமுதில் தோன்றினாள்  -  முன்பு   பாற்கடலில்
அமுதுடன் அவதரித்த இலக்குமியும் அவளே.
  

தவவாழ்வை  மேற்கொண்டு,   தனித்து   வாழ்ந்த  வேதவதியை
இராவணன்   திக்கு   விஜயத்தின்     போது   பலாத்காரம் செய்ய,
'நான்   உனக்கு   நோயாவேன்'  என்று கூறி யாகத் தீயில் விழுந்து
உயிர் துறந்தாள். அந்த வேதவதியே   சீதை;  திருமகளின் அவதாரம்.
இந்த வரலாறு உத்தர காண்டத்தில் பேசப்படும்.
 

(81)
 

அறுசீர் ஆசிரிய விருத்தம்
  

தசரதப் பெயரினான் ஒருவன் - தயரதன் என்னும் பெயருடைய
ஒரு  மன்னன்;  நேமி  இம்பரில்  பணி செய  -  தனது ஆணை
இவ்வுலகம் முழுதும் ஆட்சி புரியும் படியாக; சம்பரப் பெயருடை -
சம்பராசுரன்  என்ற  பெயர்  உடைய;  தானவர்க்கு இறைவனை -
அசுரர் குலத்து அரசனை;தனு வலத்தால் - தனது