வில்லின்  வலிமையால்;அம்பரத்து உம்பர் புக்கு - விண்வழியே
வானுலகு  சென்று; அமரிடைத் தலை துமித்து - தேவர்களைத்
துன்புறுத்திய  அவ்வரக்கனுடன்  போரிட்டு  அவன்  தலையைத்
துண்டித்து; அமரர்  உய்ய - தேவர்கள் உய்யுமாறு; உம்பருக்கு
இறைவனுக்கு - தேவர்களுக்கு மன்னனான இந்திரனுக்கு; அரசு
அளித்து   -   (சம்பரனிடமிருந்து   மீட்ட   விண்ணுலகத்தின்)
ஆட்சியைத்  தந்து;  உதவினான்   -   தேவர்களுக்கு   உதவி
செய்தான்;இசை வளர்த்தான் - அதனால் பெரும் புகழ் பெற்றான்.
  

அம்பரம் -விண். துமித்து -துண்டித்து. நேமி -ஆணை. இந்தச்
செய்தி  கையடைப்  படலம்  9ம் பாடலில் குறிப்பிடப்பட்டுள்ளது
காண்க.  ஐந்து  சீராகப்பிரித்துக் கலித்துறையாகவும் இது முதலாக
6168 ஆம் பாடல் வரையுள்ளவற்றைக் கொள்ளவும் கூடும்.
  

மிடல்  படைத்து  -  (அந்தத்  தயரதன்)  மிகுந்த வலிமை
கொண்டு;ஒருவனாய் - தனக்கெவரும் ஒப்பில்லாத ஒருவனாகவே;
அமரர் கோன் விடையதா - தேவேந்திரனே காளையாக; வெரி
நின்  மேலாய்  -  அக்காளையின்  முதுகின்  மேல்  அமர்ந்து;
உடல்  படைத்து -  மாறுபாடு  கொண்டு  (அரக்கருடன்  பகை
கொண்டு);அவுணர் ஆயினர் எலாம் மடிய -   அரக்கர்களான
எல்லோரும்  செத்தொழிய;  வாள்  உருவினானும்  -  வாளை
உருவிப்  போரிட்டவனான   ககுத்தனும்;  அவனியை   அடல்
படைத்து -   உலகத்தை எல்லாம் வென்று;பெருவளம் தருக -
நிறை வளம் தருக; என்று   அருளினானும்  -   என்று  கூறி
உலகமக்களுக்கு   அருள்  செய்து உதவிய   பிருதுவும்;கடல்
படைத்தவரொடும் - கடலை  உண்டாக்கிய   சகரர்களுடனே;
கங்கை  தந்தவன்  - கங்கையை  மண்ணுலகுக்குக் கொண்டு
வந்த பகீரதனும்;  வழிக்  கடவுள்  மன்னன் -   தோன்றிய
குலத்திலே பிறந்த தெய்வத்தன்மை உடைய மன்னனாவான்.