மிடல் - வலிமை. அமரர்கோன் -தேவேந்திரன். விடை-காளை.
வெரிந்-முதுகு. உடல்-மாறுபாடு. அவுணர் மடிய வாள் உருவியவன்
ககுத்தன்;   அவனியை   வளம்  தரச்  செய்தவன்  பிருது. கடல்
படைத்தவர்  சகரர்;   கங்கையைக்   கொணர்ந்தவன்   பகீரதன்.
இவர்களெல்லாம் பிறந்த சூரியகுலத்தில் பிறந்தவன்தான்  தசரதன்.
தெய்வத்தன்மை வாய்ந்தவன் என்றால், மானிடர்களைக் குறைவாக
மதிப்பிடலாமோ என்று எடுத்துக் கூறினான்.
 

பொய் உரைத்து -  பொய்   கூறி வாழ்ந்தும்;  உலகினில்
சினவினார்   குலம்  -   உலகிலே   சினந்து  எழுந்து தீமை
செய்பவரும்   ஆகிய   அரக்ககுலத்தினர்;   அறப்பொருது -
அடியோடு   அழியும்படி போர் செய்து;  தன்   வேல்  நெய்
உரைத்து - தனது வேலுக்கு நெய் பூசி;  உறையில்  இட்டு -
உறையில் இட்டு வைத்து;  அறம் வளர்த்து -   அறநெறிகளை
விரும்பி   வளர்த்து;   ஒருவனாய்   நெறியில்  நின்றான் -
ஒப்பற்றவனாய் ஒழுக்க  நெறியிலே   நிலைத்து நின்றவன்; மை
உரைத்து உலவு கண் - மை பூசப்பட்ட அசைகின்ற கண்ணை
உடைய;  மனைவி   பால்வரம்   அளித்து -  மனைவியான
கைகேயிக்கு இரண்டு வரங்களைக்  கொடுத்து;   அவை மறாது
மெய் உரைத்து - அவற்றை மறுக்காமல் உண்மையை உரைத்து;
உயிர் கொடுத்து - உயிரையும் தந்து; அமரரும் பெறுகிலா -
தேவர்களும் அடைய இயலாத; வீடு  பெற்றான்  -  பேரின்ப
வீடான பரமபதத்தை அடைந்தான் (அந்தத் தயரதனாவான்).
  

'உரைத்து' என்பது  'பொய் உரைத்து' எனப் பேசி என்ற
பொருளிலும்   'நெய்   உரைத்து'   என்பதில்  பூசி   என்ற
பொருளிலும்   'மை   உரைத்து'   என்பதில்   தீட்டி என்ற 
பொருளிலும்   வந்தது.   சினவுதல் - சினந்தெழுதல். பொய்
உரைத்தலும்,   சினந்தெழுதலும்  அரக்கருக்குரிய  தாதலின் 
'குலம்' என்பதற்கு அரக்க குலம் என்று